2 Kyetsinyinga 6 - KITABU KITAKATIFU

¹ Hene yaho Solomoni ya vola, Yahova ya vola a la menya mu kisundi kinene.

² Navutswa mali kukulombera inyumba yokumenya mu, na bumenyo bubwo bwokumenya mu mihiga nemihiga.

³ Na mwami ya girunkannya mumoni mwimwe, na a gasidza livugana lyosi lya Israeli: na livugana lyosi lya Israeli lya singira.

⁴ Ya vola, A gasidzwe Yahova, Nyasaye wa Israeli, wa volera dada wange Daudi nomunwa gwigwe, naye u li dukidzi na makono gege, na a vola,

⁵ Kutwula ku lidiku lya nda twulidza avandu vange mu kivala kya Egepeti, si nda tovola lidala ku tsihiri tsyosi tsya Israeli lyokwombaka mu inyumba, lieta lyange li duke kuva mu; kandi si nda tovola mundu musa tsa ku vosi kwameha ku vandu vange Israeli:

⁶ navutswa nda tovola Ye rusalemi, lieta lyange li ve ho, kandi nda tovola Daudi a ve igulu ku vandu vange Israeli.

⁷ Kunangwa ga li mu mwoyo gwa dada wange Daudi kwo mbakira lieta lya Yahova, Nyasaye wa Israeli, inyumba.

⁸ Navutswa Yahova ya volera dada wange Daudi, Kigira ga veye mu mwoyo gugwo kwombakira lieta lyange, inyumba, wa kola bulahi kigira ga li mu mwoyo gugwo:

⁹ navutswa ive u tombaka inyumba mba; navutswa mwana wowo u li twula munda mumwo, niye a lombakira lieta lyange, inyumba.

¹⁰ Na Yahova u dukidzi likuva lilye lya ya vola; kigira mali kusingira mbugono bwa dada wange Daudi, nzikaye ku intebe yobwami ya Israeli, kuli Yahova ya suuviridza, na mali kwombakira lieta lya Ya hova, Nyasaye wa Israeli, inyumba.

¹¹ Kandi mali kuvika mu lisanduku, li veye mu na malago ga Yahova, ga ya lagana navana va Israeli.

¹² Ma ya singira imbiri wo bwali bwa Yahova mu tsimoni tsyelivugana lyosi lya Israeli, na a nyira makono gege

¹³ (kigira Solomoni ya lomba kitaradzi kyomugasa, amakono ga tano butambi bwakyo, namakono gatano bugalamu bwakyo, namakono gavaka budiguluku bwakyo, na a ki vika ho mugidzi; na a singira ku, na a sigama ku masigamo gege imbiri welivugana lyosi lya Israeli, na a nyira makono gege kuhenzidza migulu);

¹⁴ na a vola, O Yahova, Nyasaye wa Israeli, si ha veye na Nyasaye kuli ive, mwigulu, kinga mu lirova; u lindiranga vatumekiri vovo lilagana netsimbabasi, ava genda imbiri wowo nemyoyo gyavo gyosi;

¹⁵ wa dukidzira dada wange mutu mekiri wowo Daudi, aga wa mu suuviridza: yee, wa ga vola nomunwa gugwo, na wa ga dukidza nomukono gugwo, kuli ga veye lero.

¹⁶ Kuna ngwa kalunu, O Yahova, Nyasaye wa Israeli, u dukidzire dada wange mutu mekiri wowo Daudi, aga wa mu suuviridza, lwa wa vola, Si u la daka umundu umusatsa mu tsimoni tsya nge wokwikala ku intebe yobwami ya Israeli; ni i va avana vovo va la linda inzira vavo yeng'ine, nokugenda mu malago gange kuli ive wa genda imbiri wange.

¹⁷ Kunangwa ka lunu, O Yahova, Nyasaye wa Israeli, ga ve ageligali makuva gogo, ga wa volera mutumekiri wowo Daudi.

¹⁸ Nyasaye ligali a la menya na vandu mu lirova? Henza, ligulu kinga mwigulu lyomwigulu ni mu vula kuduka ive; nasindi inyumba yiyi ya ndombaka

¹⁹ Halala na yaga u hulire lisaala lyomutumekiri wowo, nelihomba lilye, O Yahova Nyasaye wange U hulire lilira, nelisaala lyomu tumekiri wowo a saalanga imbiri wowo,

²⁰ tsimoni tsitsyo tsi ku nuke ku inyumba yivi umbasu nobudiku, ku ha zana ha wa vola u la vika ho lieta lilyo; kuhulira lisaala lya mutumekiri wowo a saalira hano.

²¹ Kandi hulira kuli mutumekiri wowo a hombanga, navandu vovo Israeli, lwa va saala kuhenza hano: yee, u hulire migulu ha bumenyo bubwo, kali kutwula migulu; u sa mehe lwa u hulira.

²² Mundu ni yona kuwakye, na a hebwa lyesuha a duke kwesuhidzwa, ni yadza ni yesuhira imbiri wobwali bubwo, mu inyumba yiyi;

²³ u hulire yaho mwigulu, u kole, u kalage hagati ha vatumekiri vovo, u tunge mudamano, kuleta inzira yeye ku mutwe gwigwe; nokuhaana bulungi ku mulungi, ku muha kuli ubulungi bwibwe.

²⁴ Ni i va avandu vovo Israeli va kuywa imbiri wavasigu, kigira voni imbiri wowo, ni virana nokweyama lieta lilyo, ni va saala nokuhomba imbiri wowo mu inyumba yiyi;

²⁵ u hulire yaho mwigulu, u samehe mahyolo gavandu vovo Israeli, na u va lete kandi mu kivala kya wa va ha noku vaguga vavo.

²⁶ Inyinga migulu mu bofwa, na ha vula kuva na imbula, kigira voni ku ive; ni va saala ku lihenza hano, nokweyama lieta lilyo, nokutwula ku bwoni bwavo, lwa u va kupidza kivi:

²⁷ u hulire yaho mwigulu, u samehe mahyolo gavatumekiri vovo, na ga vandu vovo Israeli, lwa u vegidza inzira indahi i va dukira kugilonda; u lete imbula ku kivala kikyo, kya wa ha avandu vovo kuva miyandu.

²⁸ Inzala ni yingira mu kivala, kinga iplegi, kinga kimeyi, kinga ulu guku, kinga tsisigi, kinga madede; kinga lwa va kumbiridzwa navasigu vavo mu kivala kyamadala gavo; mu maduya gosi, nobulwaye bwosi bu duka kuva ho;

²⁹ amasaala gosi kinga lihomba lyosi lyomundu ku vosi a kola, kinga avandu vovo Israeli vosi, lwa va manya sa mulala liduywa lilye nekivi kikye, nokunyira makono a henzidze ku inyumba yiyi:

³⁰ u hulire yaho mwigulu ha bumenyi bubwo, u samehe, nokutunga sa mulala kuli tsinzira tsitsye tsyosi, wa u manya mwoyo gwigwe (kigira u manyanga myoyo gyavandu, ive weng'ine),

³¹ va duke kutia ive, va londa tsinzira tsitsyo, madiku gosi ga va menya mu kivala kya wa ha vaguga vetu.

³² Kandi ga la va ku uyu mume nya, u ta li ku avandu vovo Israeli, lwa a duka kutwula ku kivala kya ihale kigira lieta lilyo linene, na kigira mukono gugwo gwetsingulu, mukono gugwo gwa nyirika; lwa va duka ku saala kuhenza ku inyumba yiyi:

³³ u hulire yaho mwigulu, ha bu menyi bubwo, na u kole kuli yosi ya mmenya a ku saalanga; kuduka ava ndu vosi ava veye ku lirova va manye lieta lilyo, nokutia ive, kuli avandu vovo Israeli va ku tidzanga, na inyu mba ya ndombaka yiyi va gi manye i langangwa lieta lilyo kuyo.

³⁴ Lwa avandu vovo va twula kutsia kulwana na vasigu vavo, mu inzira ya u va hila ku yosi, na va saale ku ive kuhenza ku lidala yili lya wa tovola, na inyumba ya ndombakira lieta lilyo:

³⁵ u hulire yaho mwigulu lisaala lyavo nelihomba lyavo, u vere ubulungi bwavo.

³⁶ Lwa va kola mahyolo ku ive (kigira si ha veye nomundu wa vula kwona), na u va vihirirwa, nokuva vika ku vasigu, ni va va lanya kutsia navo mu kivala kye ihale kinga kya himbi;

³⁷ halala na yaga ni va ganagana mu myoyo gyavo mu kivala ha va hilwa avahambe, ni virana ni va ku homba mu kivala kyobuhambe bwavo ni va vola, Ligali ku mali kwona ku koli ubukyamu, ku koli ubudamano;

³⁸ ni i va virani ku Ive nemyoyo gyavo gyosi na roho gyavo gyosi mu kivala kyobuhambe bwavo, ha va hambwa avahambe, ni va saala ni va henzi ku kivala kyavo, kya wa ha avaguga wavo, noku lidala lya w a tovola, noku inyumba ya ndombakira lieta lilyo:

³⁹ u hulire yaho mwigulu, ha bumenyo bubwo, lisaala lyavo nelihomba lyavo, u vere ubulungi bwavo, na u samehe avandu vovo avona ku ive.

⁴⁰ Kalunu, O Nyasaye wange, nku goonya, tsimoni tsitsyo tsi kunuke, namatu gogo ga tege, ku lisaala li kolangwa hano.

⁴¹ Kunangwa ka lunu vuka, O Yahova Nyasaye, wingire hokusosa hoho, ive, nelisa nduku lyetsingulu tsitsyo: na vasalisi vovo, O Yahova Nyasaye, u vike ubuhonnyi, na vatakatifu vovo va sa ngale mbulahi.

⁴² O Yahova Nya saye, u ta henzidza ha luvega mmoni mwombake wowo: widzulitse tsimba basi tsitsyo ku mutumekiri wowo Daudi.