2 Kyetsinyinga 4 - KITABU KITAKATIFU

¹ Kandi ya lomba bwali bwomu gasa, butambi bwabwo amakono makumi gaviri, nobugalamu bwabwo amakono makumi gaviri, nobudigu luku bwabwo amakono likumi.

² Ya lomba kandi inyanza yokwelonga kutwula ku luliga kuduka ku lundi amakono likumi tsimbega tsyosi; budiguluku bwayo amakono gatano; nomugoye gwamakono makumi ga vaka gwa gi kumbiridza.

³ Na isi wayo ya li nevifwananyi vyetsing'ombe, tsya gi kumbiridza likumi ku mukono tsya kumbiridza inyanza tsimbega tsyosi. Tsing'ombe tsya longwa tsimbaso tsiviri, lwa inya nza ya longwa.

⁴ Ya singira ku tsing'ombe likumi na tsiviri, tsivaka tsya henza kasikasini, na tsivaka tsya henza madioli, na tsivaka tsya henza kusini, na tsivaka tsya henza ivugwe: na inyanza yagigwa igulu watsyo, na inyima watsyo ya henza mugati.

⁵ Na kikova kyayo kya li kuli ubuga lamu bwekigalo; noluliga lwayo lwa lombwa kuli luliga lwekikombe, kuli kimuli kyelidanya: nayo ya dukana mu na madzi getsisiongo tsielfu tsitano na indala.

⁶ Ya lomba kandi tsindavo likumi, na a vika tsitano ku mukono mulungi, na tsi tano ku mukono mmosi, tsyokwo gidza; vya va li ni va haananga ku vihaanwa vyokusamba vogidzira mu; nenyanza zana ya li ya vasalisi kwisinga mu.

⁷ Ya lomba minara likumi gyetsya taya gyethahabu kuli lilaga lya lagwa; ya gyi vika mu litempeli, gyitano ku mukono mulungi, na gyitano ku mukono mmosi.

⁸ Ya lomba kandi tsimeza likumi, na a tsi vika mu litempeli, tsitano ku luvega lwo mukono mulungi, na tsitano ku luvega lwo mukono mmosi. Ya lomba kandi tseyami gere tsimia tsye thahabu.

⁹ Kandi ya lomba ubuheru bwavasalisi, kandi mugidzi munene, neviribwa vyomugidzi, nemiliango gyavyo ya gyi kunika nomugasa.

¹⁰ Ya vika inyanza ku luvega lwo mukono mulungi lwenyumba ya henza ivugwe, ku luvega lwa kusini.

¹¹ Na Huram ya lomba tsinyingu, netsi mbago nevimuga. Ni ndiyo Huram ya maieridza miyinzi gya ya lombera mwami Solomoni mu inyumba ya Nyasaye.

¹² Tsitiru tsiviri na vi muga, nemitwe gyiviri gya li igulu wetsitiru; na mangelinya gaviri kuku nika vimuga viviri vyemitwe gyi veye igulu wetsitiru,

¹³ na makomama nga tsimia tsine ku mangelinya gaviri; tsimbaso tsiviri tsya makomamanga ku mangelinya sa lilala, kukunika vimuga viviri vyemitwe vi veye ku tsitiru.

¹⁴ Ya lomba bwikaliru, na a lomba tsindavo ku bwikaliru zana

¹⁵ na inyanza indala, netsing'ombe likumi na tsiviri isi wayo.

¹⁶ Na tsinyingu, na tsimbago, na tsinzago, na viju vyayo vyosi, Huram dada wewe ya lombera mwami Solomoni, vi ve vya inyumba ya Yahova, vyo mugasamung'ereng'anu.

¹⁷ Mwami ya vi longera mu kireremu kya Yordani, mu budohi bunialuluku hagati ha Sokothu na Zereda.

¹⁸ Na ndiyo Solomoni ya lomba viju yivyo vyosi vinyingi ligali: kigira buliduhu bwomugasa si bwa nyala kumanye kana.

¹⁹ Na Solomoni ya lomba viju vyosi vya li mu inyumba ya Nyasaye, nobwali bwethahabu, netsimeza tsyo kuvika ku ubukima bwokumanyira;

²⁰ nevinara vyetsitaya, netsitaya tsyavyo, tsyo kwaaka kuli miima imbiri wa hatakatifu, vyethahabu indahi;

²¹ na vimuli, netsitaya, netsinkasi, tsyethahabu, nayo i veye ithahabu inzere;

²² na makasi, ne tsindavo, nevijiko, netsindavo tsyokusamba vimuli, tsyethahabu indahi. Na makuva ga hokwingira mu inyumba, muliango gwomugati ha butakatifu ligali, na miliango gyenyu mba, gyelitempeli, gya li gyethahabu.