2 Kyetsinyinga 2 - KITABU KITAKATIFU

¹ Na Solomoni ya saavira kwomba kira lieta lya Yahova, inyumba, nenyumba yobwami bwibwe.

² So lomoni ya validza avandu vasatsa tsielfu makumi gatano na gaviri avagingi, navandu avasatsa tsielfu makumi gatano na gavaka avavadzi vomu vigulu, netsielfu tsivaka netsi mia tsitano na indala kuvasingerira.

³ Solomoni ya hila vatumwa ku Huram mwami wa Turo, na a mu volera, Kuli wa kolera dada wange Daudi, kuleta kuye mitaragwa kwo mbakira inyumba yokumenya mu, u nkolere ndiyo kandi.

⁴ Henza, inze nombakiranga lieta lya Yahova Nyasaye wange inyumba, ngima kuye, nokumuvuyidzira livuya lyeki muli kilahi, kandi i ve yobukima bwo kumanyira kazozo, na yevihaanwa vyokusamba mugamba na mgolova, noku masabato, noku litanga lye myeli, noku masavo ga lagwa ga Yahova Nyasaye wetu Yaga ga veye gemihiga nemihiga ku Israeli.

⁵ Na inyumba ya nyombakanga zana i veye inene; kigira Nyasaye wetu a veye munene kuvita avanyasaye vosi.

⁶ Navutswa ni bwaha u nyala ku mwombakira inyumba, ni i va ligulu si li mu duki, kinga amagulu gomi gulu? Kunangwa inze mbeye bwaha, nduke kumwombakira inyumba, ni i ta li yokuvuyidza livuya imbiri wewe?

⁷ Kunangwa u ndetere mundu musa tsa, musidza wemiyinzi gyethahabu, nefetha, nomugasa, nekivya, nekiforo sadi, nenzakanyu, neblue, u veye musidza kung'ola tsing'oli tsing'ano tsyosi, yadze kuva halala navasidza va veye ku inze mu Buyuda nomu Yerusalemi, ava dada wange Daudi ya vika.

⁸ U ndetere kandi mita ragwa, nemisala kuli yigu, nomu sandale, kutwula Lebanon; kigira manya avatumekiri vovo va veye ava sidza kukalaga misala mu Lebanon. Na, henza, avatumekiri vange va la ve halala navatumekiri vovo,

⁹ va nombere misala minyingi; kigira inyumba ya nyombaka i veye ine ne ngyokugenya.

¹⁰ Kandi, henza, avatumekiri vovo ava kalaganga mi sala, nda va ha tsielfu makumi gaviri migero gyengano impuule, netsielfu makumi gaviri migero gyeshairi, netsielfu makumi gane tsisiongo tsye waini, ne tsielfu makumi gane tsi siongo tsyamaguta.

¹¹ Hene yaho Huram mwami wa Turo ya tivula ku ibaruwa, ya ya hilira Solomoni, Kigira Yahova ya yanza avandu veve, ya kola ive mwami kuvo.

¹² Huram ya meda kuvola, A gasidzwe Yahova, Nyasaye wa Israeli, wa lomba ligulu nelirova, wa ha mwami Daudi mwana wobu geeri, u manyanga kutumekira ubu geeri nelimanya, a duke kwombakira Yahova inyumba, nenyumba yo bwami bwibwe.

¹³ Kalunu mali kuleta mundu musatsa musidza we limanya, wa Huram dada wange

¹⁴ naye a veye mwana womukali ku vakana va Dan; na dada wewe ya li mundu wa Turo, musidza wemi yinzi gyethahabu, nefetha, nomugasa, nekivya, namagina, nemisala, neki forosadi, neblue, nekatani indahi nenzakanyu, kandi a veye mundu wokung'ola tsing'ano tsyosi, woku vangula ku vyosi ki vangulangwa; a duke kuhebwa uhugono halala nava sidza vovo, na vasidza vomunene wange dada wowo Daudi.

¹⁵ Ku nangwa kalunu ingano neshairi, na maguta newaini, vyomunene wange ya tala, vi letwe ku vatumekiri vovo:

¹⁶ na kwinye ku la tema misala kutwula Lebanon, kuduka kuli we nyanga; ku ku letere ku lyereminya ku inyanza kuduka Yopa; na ive u la gyi hila Yerusalemi.

¹⁷ Na Solomoni ya validza ava menya vosi ava veye mu kivala kya Israeli, inyima welivalidza lya dada wewe Daudi; va duka tsielfu mia na makumi gatano na tsivaka na tsimia tsitano na indala.

¹⁸ Na ya vika kuvo avandu tsielfu makumi gatano na gaviri avagingi vemisigo, na tsielfu makumi gatano na gavaka avavadzi vomu vigulu, na tsielfu tsivaka na tsimia tsitano na indala avasingeriri vokuvavika ku miyinzi.