2 Kyetsinyinga 10 - KITABU KITAKATIFU

¹ Na Rehoboam ya tsia Shekem; kigira Israeli vosi va tsia ha Shekem kumwamehidza.

² Jero boam mwana wa Nebati lwa ya hulira makuva yaga (kigira ya li mu Egepeti, ha yirukira mmoni mwo mwami Solomoni), Jeroboam yi rana kutwula Egepeti.

³ Na va tuma vatumwa kumulanga; na Jero boam na Israeli vosi vadza, na va volera Rehoboam, ni va vola

⁴ Dada wowo ya kola inira yetu indiduhu: kunangwa kalunu u kole ubutumiki buliduhu bwa dada wowo, na inira indinyu yeye ya ya vika ku kwinye, vi ve viyangu, na ku la ku tumekira.

⁵ Naye ya va volera, Mwirane kandi ku inze inyima wa madiku gavaka. Navandu va tsia.

⁶ Na mwami Rehoboam ya vole rana navakulundu, ava singeranga imbiri wa dada wewe Solomoni lwa ya li mwoyo, na a va volera, Mu mbeye likuva ki lyokutivulira avandu yava?

⁷ Navo va mu volera, ni va vola, Nu u va mulahi ku vandu yava, nokuvayanzidza, nokuvavolera makuva malahi, hene yaho va la va avatumekiri vovo mihiga gyosi.

⁸ Navutswa ya leka makuva gava kulundu ga va mu ha, na a volerana navasoleli ava viruka halala naye, nokusingira imbiri wewe.

⁹ Na ya va volera, Mwinye mbeye likuva ki, lya ku la tivulira avandu yava, ava mbolera, ni va vola, Inira ya dada wowo ya ku mina nayo, u gi kole inyangu?

¹⁰ Na vasoleli yavo ava viruka halala naye va mu volera, ni va vola, U volere avandu yava ava volera ive, ni va vola, Dada wowo ya kola inira yetu indiduhu, navutswa ive u gi kole inyangu; u va volere ndina, Kidete kyange kyanyasi ki veye kinene kuvita kikenge kya dada wange.

¹¹ Na kalunu kuli dada wange ya mu dwika inira indiduhu, inze nda meda inira yenyu: dada wange ya mu kuya netsinkova navutswa inze nda mu kuya netsing'e.

¹² Ma Jeroboam navandu vosi vadza ku Rehoboam ku lidiku lya kavaka, kuli mwami ya vola, na a va volera, Mwirane ku inze kandi ku lidiku lya kavaka.

¹³ Mwami ya va tivulira nobululu; nomwami Reho boam ya leka makuva gavakulundu,

¹⁴ na ya va volera kuli makuva gavasoleli, na a va volera, Inira yenyu dada wange ya gi kola indi duhu, navutswa inze nda gi meda: dada wange ya mu kuya netsinkova, navutswa inze nda mu kuya netsing'e.

¹⁵ Kunangwa mwami ya vula kuhu lira avandu; kigira kya li kya Nyasaye ya leta, Yahova a duke kudinyeridza likuva lilye, lya ya volera Jeroboam mwana wa Nebati, nomukono gwa Ahija Mushilon.

¹⁶ Na Israeli vosi lwa va lola mwami u vuli kuvahulira, va tivulira mwami, ni va mu volera, Kwinye ku veye nekidieli ki mu Daudi? Kandi si ku veye nemiyandu ku mwana wa Jesse: mu tsie mmahema genyu sa mu lala, O Israeli: kalunu u henze inyu mba yoyo mwene, Daudi. Ma Israeli vosi va tsia mmahema gavo.

¹⁷ Na vutswa makuva gavana va Israeli va menya mmadala ga Yuda, Rehoboam ya vameha.

¹⁸ Hene yaho mwami Rehoboam ya tuma Hadoram, naye niye wa li igulu ku busutu; navana va Israeli va mu lasa magina na a kudza. Na mwami Rehoboam ya kola bwangu kunina ku ligari lilye, kwi rukira Yerusalemi.

¹⁹ Kunangwa Israeli vebaala ku inyumba ya Daudi kuduka lero.