2 Avami 3 - KITABU KITAKATIFU

¹ Na Jehoram mwana wa Ahabu ya tanga kwameha ku Israeli mu Samaria mu muhiga gwelikumi na gyitano na gyivaka gyelyameha lya Jehoshafatu mwami wa Yuda, na yameha mihiga likumi na gyiviri.

² Ya kola vyobudamano imbiri wa Yahova, navutswa si vya li kuli vya dada wewe, kinga kuli vya mama wewe; kigira ya twulidza munara gwa Baal gwa dada wewe ya lomba.

³ Navutswa ya hambana nobwoni bwa Jeroboam mwana wa Nebati, ubwa ya gotidzira ku Israeli; si yavukana kubwo mba.

⁴ Na Mesha mwami wa Moabu ya li mutugi wamagondi manyingi; na ya tunga mwami wa Israeli ubwoya bwavana vamagondi tsielfu mia, nobwoya bwamagondi makole tsielfu mia.

⁵ Navutswa ga duka, lwa Ahabu ya kudza, hene yaho mwami wa Moabu ya tinguha mwami wa Israeli.

⁶ Mwami Jehoram ya twula mu lidala lya Samaria inyinga yeyo, nokuvungidza Israeli vosi.

⁷ Na ya tsia na a tuma avatumwa ku Jeho shafatu mwami wa Yuda, na a vola, Mwami wa Moabu u tinguhi inze: u la tsia nenzi kwanegire kulwana na Moabu? Naye ya vola, Ndanegira: Inze mbeye kuli ive, avandu vange kuli avandu vovo, netsiparasi tsyange kuli tsiparasi tsitsyo.

⁸ Naye ya vo la, Kwanegirira ku inzira ki? Naye ya tivula, Kwanegirire ku inzira yo mu kyangalangwi kya Edom.

⁹ Ma mwami wa Israeli ya tsia, nomwami wa Yuda, nomwami wa Edom; va samula ku lugendo lwokuvodonkana madiku gatano na gaviri: na si ha li namadzi agelihe, nagetsinyama tsya va londa.

¹⁰ Mwami wa Israeli ya vola, Ivanii kigira Yahova a vuga nnyi avami yava vavaka halala, kuva vika mmakono ga Moabu.

¹¹ Na vutswa Jehoshafatu ya vola, Si ha veye nomuprofeti wa Yahova hano ku duke kutevera Yahova kuyei Mulala ku vatumekiri vomwami wa Israeli ya vola, Elisha mwana wa Shafatu a veye hano, uyu wa saavi dza Elija amadzi ku makono gege.

¹² Na Jehoshafatu ya vola Likuva lya Yahova, uyu a veye naiyo. Ma mwami wa Israeli na Jehoshafatu nomwami wa Edom, va sulunguta kuye.

¹³ Na Elisha ya volera mwami wa Israeli, Mbeye naki ku ive? Tsia ku vaprofeti va dada wowo, noku vaprofeti va mama wowo. Mwami wa Israeli ya mu volera, Auwa; kigira Yahova u vugannyi avami yava vavaka halala ku va vika mmakono ga Moabu.

¹⁴ Elisha ya vola, Kuli Yahova wa mahe a veye mwoyo, wa nsingiye imbiri wewe, ligali, mba wa vula kuhenza mmoni mwa Jehoshafatu mwami wa Yuda, ngano si nda ka henza ive mba, kinga kukulola.

¹⁵ Navutswa kalunu ndetera mundu wokukupa ubukana. Na ga duka, lwomundu ya kupa ubukana bwibwe hene yaho mukono gwa Yahova gwadza kuye.

¹⁶ Ya vola, Yahova a vola, Mu yave, migerera ga male mu livona.

¹⁷ Kigira Yahova a vola. Si mu la lola imbuudza, kandi si mu la lola imbula; navutswa livona li lizula amadzi, na mwinye mu la nwa, netsing'ombe tsyenyu, na tsinyama tsyenyu.

¹⁸ Na inkuva yiyi i veye inyangu imbiri wa Yahova: halala na yaga a la vika Vamoabu mu makono genyu.

¹⁹ Na mu la kuya lidala sa lilala lyebwa madigi golugaga, nelidala se lilala li veye lilahi, nomusala sa mulala gu veye mulahi mu la gu tema, na visenukiru vyosi vya madzi mu la vigalira, nemilimi sa mulala gu veye mulahi mu lono nnya na magina.

²⁰ Na ga duka mugamba kuli inyinga yokuhaana kihaanwa henza, amadzi ga ladza kutwula ku luvega lwa Edom, neki vala kyosi kizula amadzi.

²¹ Ma lwa Vamoabu va hulira avami va li ni vanegiranga kulwana navo, va vugane avene navene, vosi ava nyala kwivika vyuma nokuvita, na va singira mu lwako.

²² Va vuka mwabwebwe, neliuva lya ng'ereng'ana mmadzi, na Vamoabu va lola madzi imbiri wavo ga veye makanyu kuli amasahi:

²³ na va vola, Yaga na masahi; avami ligali va diva, va kuyani sa mulala na wakye: kunangwa kalunu Vamoabu vilanye mbivyo.

²⁴ Navo lwa va duka mu hokusosa ba Israeli, Vaisraeli va singira ni va kuya Vamoabu, navo viruka imbiri wavo; ni va tsia imbiri nokwingira mu kivala, ni va kuya Vamoabu.

²⁵ Ni va sambula ma dala; ni va lasa magina, sa mulala ligma lilye mu milimi milahi, sa mulala kugyizulitsa magina; nevise nukiru vyosi vyamadzi va vigalira, na va tema misala gyosi milahi, kuduka Kirihareshethu, na va leka magina galyo, ni va ta li yava avokulasa netsinkova va li kumbiridza, nokuli lasa.

²⁶ Na lwa mwami wa Moabu ya lola bulwani bu medi tsingulu, ya vugula avandu tsimia tsitano na tsiviri avevivavi halala naye, a duke kwatanya inzira, a duke ku mwami wa Edom; navutswa si va nyala mba.

²⁷ Hene yaho ya vugula mwana wewe, wa tanga kwivulwa, uyu wa dukana nelyameha mbugono bwibwe, nokumuhaana a duke kuva kihaanwa kyokusambirwa ku lidigi. Na ha li nobutima bunene ku Israeli; navo va mu leka, ni virana mu kivala kyavo.