2 Avami 23 - KITABU KITAKATIFU1 Na mwami ya tuma vatumwa navo va vungidza kuye avakulundu vosi ava Yuda na va Yerusalemi. 2 Na mwami yanegira mu inyumba ya Yakova, na vasatsa vosi va Yuda, na vosi ava menya mu Yerusalemi halala naye, na vasalisi, na vaprofeti, navandu vosi, avanene navakekeke: na ya vn somera mu amatu gavo amakuva gosi agekitabu kyelilagana kya loleka mu inyumba ya Yahova. 3 Na mwami ya singira himbi netiru, na ya kola lilagana imbiri wa Yahova, kulonda Yahova, nokugumira malago gege, nelilolekidza lilye, nemegidzo gege nomwoyo gwosi, na roho gwosi, nokudinyeridza makuva gelilagana yili lya ng'odwa mu kitabu yiki: navandu vosi va singerira lilagana yilyo. 4 Na mwami ya laga Hilikia musalisi munene, navasalisi avobunene bwa kaviri, na valindi vomuliango, va leta kyova vi twule mu litempeli lya Yahova viju vyosi vya lomberwa Baal, na misala gyemisambwa, nelihe lyosi lyomigulu; na ya vi sambira ha Yerusalemi mu milimi gya Kidiron, na ya hila ligoke lyavyo Betheli. 5 Na ya heridza avasalisi vevifwananyi ava avami va Yuda va vika va vuyidze vimuli hadiguluku mu madala ga Yuda, noku tsintulu tsya Yerusalemi; kandi yavo va vuyidza vimuli ku Baal, noku liuva, noku mweli noku tsing'ering'ani, noku lihe lyosi lyomigulu. 6 Naye ya twulidza misala gyemisambwa mu inyumba ya Yahova, na ya tsia nagyo kyova we Yerusalemi, kuduka ku mugera gwa Kidiron, na ya gyi sambira ho himbi nomugera gwa Kidiron, na ya gyi swaga ni gyi gwa kuli ubusie bunyuki, na ya bu ta ubusie bwagyo ku vilindwa vyavana vavandu. 7 Na ya sambula tsinyumba tsyavasatsa vaheyi, tsya li mu inyumba ya Yahova, ha vakali va naviranga tsingubo tsyokukinga misala gyemisambwa. 8 Naye ya twulidza avasalisi vosi mu madala ga Yuda, na yononya hadiguluku ha vasalisi va vuyidza vimuli, kutwula Geba kuduka Beersheba; na ya sambula hadiguluku heviribwa ha li ha bwingiriru bwekiribwa kya Joshua, wa li governor welidala yilyo, hadiguluku ku luvega lwomukono mmosi gwomundu mu kiribwa kyelidala. 9 Navutswa vasalisi va hadiguluku si vanegira kuduka ku bwali bwa Yahova mu Yerusalemi mba, navutswa va lagira ubukima bu ta li na mamera hagati ha v amwavo vavo. 10 Naye yononya Tofeti, ha veye mwivona lya avana va Hinom, mundu a ta vitidza mwana wewe muyai, kinga mwana wewe mukana ku muliru ku Moleku. 11 Na ya twulidza tsiparasi tsyavami va Yuda va li ni va haana ku liuva, ha bwingiriru bwenyumba ya Yahova, himbi nenyumba ya Nathan Meleku, mulindi wenyumba zana, ya li yo mmugidzi; na ya samba magari geliuva nomuliru. 12 Kandi ubwali bwa li ku kisegese kyenyumba yegulu ya Ahazu, bwa avami va Yuda va lomba, nobwali bwa Manase ya lomba mu migidzi gyiviri gyenyumba ya Yahova, umwami ya bu sambula, noku bwikidza kutwula yo, naye ya ta lugukyi lwabwo mu mugera gwa Kidiron. 13 Na hadiguluku ha li imbiri wa Yerusalemi, ku luvega lwa mukono mulungi lwekigulu kyobwoneku, ha Solomoni mwami wa Israeli yombakira Ashitorethu livihiriridza lya Vasidon, na Kemoshu livihiriridza lya Vamoabu, na Milikom livihiri- ridza lyavana va Amon, mwami yononya ha zana. 14 Na ya tigula vifwananyi, nokutema misala gyemisambwa, nokwizulitsa bugono bwavyo vigumba vyavandu. 15 Kandi ubwali bwa li ha Betheli, na hadiguluku ha Jeroboam mwana wa Nebati yombaka, uyu wa gotidza Israeli, bwali bwa hadiguluku, ya bu sambula; na a samba hadiguluku, na a ha swaga kuduka ha gwa ulugukyi, na a samba misala gyemisambwa. 16 Na Josia lwa yekivuka, na a lola vilindwa vya li mu kigulu; ya tuma avandu kutwulidza vigumba mbilindwa zana, nokuvisambira ku bwali, nokukwononya, kuli likuva lya Yahova lyomundu wa Nyasaye yilwadza, uyu yilwadza vindu yivi. 17 Ma ya teva, Ni mang'oda ga bwaha ga ndolanga yaga? Navandu velidala yilyo va mu volera, Ni kilindwa kyomundu wa Nyasaye, wa twula Yuda, naye yilwadza vindu vya ive u kolanga ku bwali bwa Betheli yivi. 18 Na ya vola, Mu mu leke a ve; mundu a ta twulidza vigumba vivye mba. Ma va leka vigumba vivye, si va dira ku mba, halala nevigumba vyomuprofeti wa twula Samaria. 19 Na tsinyumba tsyosi tsya hadiguluku ha li mu madala ga Samaria, tsya avami va Israeli va li ni va lomba kuvihiriridza Yahova, Josia ya tsi twulidza tsyosi, na ya tsi kolera kuli vyosi vya ya kola ha Betheli. 20 Naye yiitira ku bwali avasalisi vosi ava hadiguluku ava veye ho, naye ya sambira vigumba vyavandu kubwo; ni yirana Yerusalemi. 21 Na mwami ya laga avandu vosi, na a vola, Mu lombe lilia lyelipasaka lya Yahova Nyasaye wenyu, kuli ga ng'odwa mu kitabu yiki kyelilagana. 22 Ligali si lya li ho lilia lyelipasaka kutwula mu madiku ga vakalagi ava kalaga mu Israeli, kinga mmadiku gavami va Israeli, kinga avami va Vayuda; 23 navu tswa ku muhiga gwa kola likumi na gyitano na gyivaka gwelyameha lya Josia, lipasaka yili lya lomberwa Yahova mu Yerusalemi. 24 Kandi yavo ava volerana ne myoyo mibi, navakumu, navanya saye, nevifwananyi, na vyokuvihiri ridza vyosi vya loleka mu kivala kya Yuda nomu Yerusalemi, Josia ya vi twulidza ligali, a duke kudinyeridza makuva gelilaga ago ng'odwa mu kitabu kya Hilikia musalisi ya nyola mu inyumba ya Yahova. 25 Na si ya li ho ku matsyambiri umwami kuli uyu, wa girunkana na a yeka ku Yahova nomwoyo gwigwe gwosi, na roho gwigwe gwosi, netsingulu tsitsye tsyosi, kuli lilaga lyosi lya Musa; kinga inyima wewe si ya singira yo mulala wa li kuli uyu. 26 Navutswa, Yahova si ya girunkana kuleka ubululu bwobutima bwibwe bunene, bwelivihirirwa lilye lyaaka ku Yuda, kigira livihiriridza lyosi lya Manase ya muvihiriridzira. 27 Yahova ya vola Nda twulidza Yuda kandi a twule imbiri wetsimoni tsyange, kuli nda twulidza Israeli, na nda ta lidala yili lya nda tovola, Yerusalemi, nenyumba ya nda vola makuva gayo, Lieta lyange li la va ho. 28 Vikolwa vyosi vya Josia vya tigala, na vyosi vya ya kola, si vya ng'odwa mu kitabu kyetsinyinga tsyavami va Yuda? 29 Mmadiku gege Faraoneko mwami wa Egepeti yanegira kulwana nomwami wa Asu ria kuduka ha mugera gwa Farati: nomwami Josia ya tsia kulwana naye; na Faraoneko ya mwiitira ha Megido, lwa ya mu lola. 30 Na vatumekiri veve va mu hilira mu ligari na a kudzi, kutwula Megido, na va mu leta Yerusalemi, nokumuta mu kili ndwa kikye mwene. Na vandu veki vala va vugula Jehoahazu mwana wa Josia, ni va mbaka maguta, nokumwamehidza mbugono bwa dada wewe. 31 Jehoahazu ya li nemihiga ma kumi gaviri na gyivaka lwa ya tanga kwameha; naye yameha imyeli gyivaka mu Yerusalemi: lieta lya mama wewe ya langwa Hamutali mukana wa Jeremia wa Libina. 32 Naye ya kola budamano imbiri wa Yahova, kuli gosi aga vaguga veve va kola. 33 Na Faraoneko ya mu boha ha Ribila mu kivala kya Hamathu, a vule kwameha mu Yerusaelmi; na ya ng'oda kivala ki tungidzwe mitu ngu tsitalenta mia tsyefetha, neta lenta indala yethahabu. 34 Na Faraoneko yamehidza Eliakim mwa na wa Josia mbugono bwa Josia dada wewe, na ya girunkannya lieta lilye na a mu gulika Jehoiakim: navutswa ya twulidza Jehoahazu; na ya tsia Egepeti na a kudzira yo. 35 Na Jehoiakim ya ha Farao ifetha netha habu, navutswa ya solola ku kivala ubusutu a duke kuhaana ifetha kuli Farao ya laga; ya solola ku avandu vekivala ifetha zana nethahabu, sa mulala kuli ya lagwa ubusutu, a duke kuha Faraoneko. 36 Na Jehoiakim ya li nemihiga makumi gaviri na gyitano lwa ya tanga kwameha; na yameha mihiga likumi na mulala mu Yerusalemi: na lieta lya mama wewe ya langwa Zebida mukana wa Pedaia wa Ruma. 37 Naye ya kola budamano imbiri wa Yahova, kuli vyosi vya vaguga veve va kola. |
©Bible Society of Kenya, 1967
Bible Society of Kenya