2 Avami 1 - KITABU KITAKATIFU

¹ Inyima welikudza lya Ahabu, Vamoabu va tinguha Israeli.

² Na Ahazia yagulukira mu lidirisha lyenyumba yeye yegulu mu lidala lya Samaria, na a lwala: na ya tuma ava tumwa, na a va volera, Mu tsie kuteva ku Baalzebubu, munyasaye wa Ekiron, ni mba ni mbona ubulwaye yibu, kinga ni nta hona.

³ Navutswa ingelosi wa Yahova ya volera Elija Mutishibi, Vuka, wanegire u lole avatumwa vomwami wa l Samaria, u va volere, Ga veye kigira si ha veye na Nyasaye mu Israeli mwinye mu tsie kuteva Baalzebubu munyasaye wa Ekiron?

⁴ Kunangwa kalunu Yahova a vola yaga Ive si u lika ku kitali kya u nina ku, navutswa ligali u la kudza. Na Elija ya twula.

⁵ Na vatumwa va galuka kuye, naye ya va teva, Mwirani kigira ki?

⁶ Na va mu volera, Mundu mulala ya twulira, na ya ku volera Mu tsie, mwirane ku mwami wa mu tuma, mu mu volere, Yahova a vola yaga, Ga veye kigira si ha veye na Nyasaye mu Israeli, kigira nu u tuma kuteva ku Baalzebubu, munyasaye wa Eki ron? Kigira yaga si u lika ku kitali kya u nina ku, navutswa ligali u la kudza.

⁷ Naye ya va teva, Mundu u twuleye mwinye nokumuvolera makuva yaga ya li mundu wa lugano ki?

⁸ Navo va tivula, Ya li mundu wa yumba lisu, naye wa lyeboha lukova mu kikenge kikye. Ya vola, Uyu ni Elija Mutishibi.

⁹ Ma mu ami ya tuma munyampara wavasikari makumi gatano halala navasikari veve makumi gatano. Na yanegira kuye: henza, ya li ni yikaye ku kigulu. Ya mu volera, Ive mundu wa Nyasaye, mwami a vola, Yika.

¹⁰ Elija ya tivula na a volera munyampara wavasikari ma kumi gatano, Inze ni mba ni mbeye mundu wa Nyasaye, umuliru gwike kutwula migulu, gu sambe ive nava sikari vovo makumi gatano. Nonoho muliru gwa twula migulu, ni gu samba uyu navasikari veve makumi gatano.

¹¹ Kandi ya tuma kuye munyampara wundi wavasikari makumi gatano, halala navasikari veve. Naye ya tivula na a mu volera, Ive, mundu wa Nyasaye, mwami a vola, Yika bwangu.

¹² Elija ya tivula na a mu volera, Inze ni mba ni mbeye mundu wa Nyasaye, muliru gwike kutwula migulu, gu sambe ive navasikari vovo makumi gatano. Muliru gwa Nya saye gwika kutwula migulu, ni gu mu samba navasikari veve makumi gatano.

¹³ Kandi ya tuma munya mpara wavasikari makumi gatano wa kavaka, halala navasikari veve ma kumi gatano. Munyampara zana wavasikari makumi gatano wa kavaka yanegira igulu, na a tsia na a sigama imbiri wa Elija, nokumugoonya, na a mu volera, Ive mundu wa Nyasaye, nkusaala, livamwoyo lyange, neliva mwoyo lyavatumekiri vovo yava ma kumi gatano, li veye lyobuguli budinyu imbiri wowo.

¹⁴ Henza, muliru gwa twula migulu, ni gu samba avanyampara vavasikari makumi gatano vaviri vokutanga halala navandu vavo makumi gatano, gatano; navutswa kalunu livamwoyo lyange li ve lyobuguli budinyu imbiri wowo.

¹⁵ Na ingelosi wa Yahova ya volera Elija, Sulunguta halala naye: u ta mu tia mba. Naye ya singira, na a sulunguta halala naye kuduka ku mwami.

¹⁶ Na ya volera mwami Yahova a ku volera, Kigira ive wa tuma avatumwa va teve ku Baal zebubu, munyasaye wa Ekiron, ga veye kigira si ha veye na Nyasaye mu Israeli u teve likuva lilye? Kigira yaga si u lika kutwula ku kitali kya u nina ku navutswa ligali u la kudza.

¹⁷ Ma ya kudza kuli likuva lya Yahova, lya Elija ya vola. Na Jehoram ya tanga kwameha mbugono bwibwe, ku muhiga gu kola gyiviri gyelyameha lya Jehoram mwana wa Jehoshafatu mwami wa Yuda; kigira si ya li nomwana muyai.

¹⁸ Vikolwa vyosi vya Ahazia vya tigala vya ya kola, si vya ng'odwa mu kitabu kyetsinyinga tsyavami va Israeli?