1 Timoteo 4 - KITABU KITAKATIFU

¹ Navutswa Roho a vola habulavu, mu tsinyinga tsyekiheri avalala va la girunkana nokuleka lisuuvira, nokuhuliridza roho gyi gadanga nemegidzo gamademone,

² ku bugadi bwavandu ava volanga ububehi, ava sambwa mu myoyo gyavo avene kuli lisamba lyekivya ki twula mu muliru;

³ va gaya avandu va ta kwa, nokuhaana munua kwiyahula ku vyokulia vya Nyasaye ya lomba, vi vugulwe nelisantidza lya yava ava suuvira ava manya agelizali.

⁴ Kigira vilombe vyosi vya Nyasaye ni vilahi, kandi si ha veye nekvambakanwa, ni ki va ni ki vugulwa nelisantidza:

⁵ kigira ki koleywi kitakatifu ku likuva lya Nvasaye nelisaala.

⁶ Nu weganehidza avamitu ku makuva yaga, u la va mutumwa mulahi wa Kristo Yesu nokukula mu makuva gelisuuvira nomu megidzo malahi ga wa londa:

⁷ navutswa tsing'ano tsindamano netsyavutswa u leke tsi ve. Kandi wenalidze mu litibwa lya Nyasaye:

⁸ kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.

⁹ Li veye lyokusuuvirwa likuva zana yili, kandi li veye nelibugirirwa lyosi.

¹⁰ Kigira yaga ku yinziranga nokweguluhidza, kigira ku suuvira Nyasaye u veye mwoyo, u veye Muhonnyi wavandu vosi, kuvita wa yava avasuuviri.

¹¹ U veganehidze vi ndu yivi nokuvegidza.

¹² U ta leka mundu kali mulala a lege ubuyai bubwo; navutswa u ve kyokuhenzera ku kyavasuuviri, mu livola nomu ligenda, nomu liyanza, nomu lisuuvira, nomu lyetakasa.

¹³ Wevike mu lisoma, nomu lyeganehidza, nomu lyegidza, nduhe nzidze.

¹⁴ U ta sidika kihaanwa ki veye mu ive, kya wa heberwa ku buprofeti, halala nelivikwa amakono gavakulundu.

¹⁵ U ve nobugulu mu vindu yivi, u ve muvyo ligali; Iitsia imbiri lilyo mu vindu yivi li lang'ame ku vosi.

¹⁶ Welinde mwene, kandi u linde lyegidza lilyo. U menye mu vindu yivi; kigira mu likola yaga u lehonnya mwene, kandi ava ku hulira.