1 Samweli 29 - KITABU KITAKATIFU

¹ Kunangwa Vafilisiti va vungidza amahe gavo gosi ha Afeku: na Vaisraeli va singeridza mahema gavo himbi nomugera gu veye himbi mu Jezireeli.

² Na vanene va Vafilisiti va vita kutsia imbiri avetsimia tsyavo, netsielfu tsyavo; na Daudi navandu veve va vita inyima halala na Akishi.

³ Hene yaho avanene va Vafilisiti va teva, Vahebraina yava va kola ki hano? Na Akishi ya volera vanene va Vafilisiti, Uyu si a veye Daudi, mutumekiri wa Saulo, mwami wa Israeli, u veye halala ninze madiku yaga, kinga mihiga yigyi, na si ndola ubudamano kuye kutwuia inyinga ya ya gwa ku inze kuduka lero?

⁴ Navutswa vanene va Vafilisiti va mu vihirirwa; na avanene va Vafilisiti va mu volera, Wirannye umundu uyu hango hehe, ha wa mbika, a vule kusulunguta halala ne kwinye mu bulwani, gase a la gwa musigu wetu mu bulwani: kigira mundu uyu a lehambannya na ki ku munene wewe? Si gyi veye nemitwe gyavandu yava?

⁵ Uyu si a veye Daudi, wa vimbirana mu bukino, na va vola, Saulo yiiti tsielfu tsitsye, Na Daudi tsielfu tsitsye likumi?

⁶ Kunangwa Akishi ya langa Daudi, na a mu volera, Kuli Yahova a veye mwoyo, ive u veye mulungi, kandi litwula lilyo nelingira lilyo halala ninze mu lihe yili nobulahi imbiri wetsimoni tsyange; kigira inze si nda lola ubudamano mu ive kutwula lidiku lya wa duka ku inze kuduka lero: navutswa avanene va Vafilisiti si va bugirira ive.

⁷ Kigira yaga kalunu wirane, u tsie nemirembe, u vule kuvihiriridza avanene va Vafilisiti.

⁸ Na Daudi ya volera Akishi, Navutswa nkoli kindu ki? Na ive u lole kindu ki ku inze mutumekiri wowo tsinyinga tsyosi tsya mbedzanga imbiri wowo kuduka lero, mbule kutsia kulwana navasigu vomunene wange mwami?

⁹ Na Akishi ya tivula, na a volera Daudi Inze mmanya u veye mulahi imbiri wetsimoni tsyange, kuli ingelosi wa Nyasaye: navutswa avanene va Vafilisiti va voye, Uyu si a nyala kwanegira halala nekwinye mbulwani.

¹⁰ Kunangwa kalunu u vuke mugamba tsuri, halala navatumekiri vo munene wowo ava duka halala nive; na lwa mu vuka mugamba tsuri; lwe isi i lava, mu tsie.

¹¹ Ma Daudi ya vuka mabwebwe, uyu navandu veve, va duke kutwula mugamba, kwirana ku kivala kya Vafilisiti. Na Vafilisiti vanegira Jezireeli.