1 Samweli 2 - KITABU KITAKATIFU

¹ Na Hana ya saala, na a vola: Mwoyo gwange gwidzominyanga mu Yahova; Lwiga lwange lu nenehidzangwa mu Yahova Munwa gwange gu vambalalidzeywi ku vasigu vange; Kigira nsangalanga mu buhonyi bubwo.

² Si ha veye na u veye mutakatifu kuli Yahova; Kigira si ha veye nowundi navutswa ive Kandi si ha veye nolwanda lundi kuli Nyasaye wetu.

³ Mu ta vola kandi noluyai kuli ndiyo; Mu ta leka lyegingira kutwula mu minwa gyenyu; Kigira Yahova a veye Nyasaye welimanya, Kandi uyu a geranga makola.

⁴ Ubuta bwa vetsinguhl bu vuniki; Avekigitala va boheywi tsingulu mu vikenge.

⁵ Yavo ava li aviguuti, va lagani avene va nyole vyokulia; Na yavo ava li nenzala va sosi: Yee, uyu wa li mugumba wivuye avana vatano na vaviri; Na uyu wa li navana vanyingi u gehidzeywi tsingulu tsitsye.

⁶ Yahova yiitanga, kandi a kolanga kuva mwoyo: Yikidzanga kuduka mkilindwa, na a letanga igulu.

⁷ Yahova a kolanga mundu kuva mudaka, kandi a tugidzanga: Yikidzanga hasi, kandi a ginganga igulu.

⁸ A ginganga mudaka nokumutwulidza mulugukyi, A ginganga mwegombi nokumutwulidza mu isina, Nokuvakola vikale halala navanene, Nokunyola miyandu intebe yobukumi: Kigira tsitiru tsyelirova tsi veye tsya Yahova, Uyu wa singeridza lirova kutsyo.

⁹ Uyu a la linda virenge vyavatakatifu veve; Navutswa avadamano va la kiring'anywa mu kisundi; Kigira si ha veye nomundu u nyala kuguuta netsingulu tsitsye.

¹⁰ Yavo ava hing'ana na Yahova va la donyanywa vidonye; A la twulidza inkupa migulu kuduka kuvo: Yahova a la kalagira viheri vyelirova; Na a la ha umwami wewe ubunyali, Na a la ginga lwiga lwombake wewe.

¹¹ Na Elikana ya tsia Rama ku inyumba yeye. Nomwana ya tumekira Yahova imbiri wa Eli musalisi.

¹² Navana va Eli va li vadamano; si va manya Yahova.

¹³ Na miima gyavasalisi va li nagyo ku avandu, gya li yigyi, ku vosi mundu lwa ya haananga kihaanwa, hene yaho mutumekiri we musalisi yadza, lwo inyama ya dekangwa, naye ya li nenzago yamakono gavaka mmukono gwigwe,

¹⁴ na ya gi vika netsingulu mu inyingu, kinga mu ibirika, kinga kifuria, kinga kyokukalanga; nenyama yosi yenzako i gumira, i la langirwa musalisi. Va kolanga ndiyo mu Shilo ku Vaisraeli vosi ava tsia yo.

¹⁵ Yee, lwa va kikiri kusamba maguta, mutumekiri womusalisi ya tsia, na a volera mundu wokuhzana kihaanwa, U twulidzire musalisi inyama i kalangwe; kigira si yenya kuhebwa inyama indeke, yenyanga inyama imbisi.

¹⁶ Nomundu na a va na mu volera, Ga va dukira va tange kusamba maguta, kunangwa u la vugula kuli mwoyo gugwo gwenyanga; hene yaho mutumekiri a la vola, Auwa, navutswa ga ku dukira u mbe kalunu: kinga nu u va nu u vula kumba, nda gi vugula netsingulu.

¹⁷ Nobwoni bwavasoleli bwa li bunene ligali imbiri wa Yahova; kigira avandu va lega vihaanwa vya Yahova.

¹⁸ Navutswa Samweli ya tumekira imbiri wa Yahova, naye ya li mwana, wokwivika kisibao kyengubo yekatani.

¹⁹ Kandi mama wewe ya mu lombera ikanzu inkekeke, nokuleta kuye muhiga nomuhiga, lwa yanegira halala nomusatsa wewe kuhaana kihaanwa kyomuhiga.

²⁰ Na Eli ya gasidza Elikana nomukali wewe, na a vola, Yahova a haane ku ive lwivulu ku mukali uyu kigira lisaala lya saalwa ku Yahova. Ma va tsia mu inyumba yavo.

²¹ Na Yahova ya gasidza Hana, naye ya li inda, naye yivuln avana vavaka vayai navakana vaviri. Na uyu mwana Samweli ya viruka imbiri wa Yahova.

²² Kunangwa Eli ya li musakulu ligali; na ya hulira amakuva gevindu vyosi vyavana veve va kolera Israeli vosi kandi kuli va gona navakali va tumikanga ha muliango gwelihema lyokuvugana mu.

²³ Naye ya va volera, Kigira ki mu kolanga vindu kuli yivi? Kigira nyoye amakuva gelikola lyenyu lidnmano lyavandu yava va leta ku inze.

²⁴ Auwa, avana vange; amakuva ga mbuliranga si ga veye malahi: mwinye mu letanga mahyolo ku avandu va Yahova.

²⁵ Mundu na a va na a kola ubwoni ku wundi, Nyasaye a la mu kalagira; navutswa mundu na a va na a kola bwoni ku Yahova, bwaha a la mu saavira? Navutswa, si va hulira umwoyo gwa dnda wavo, kigira Yahova ya saavira kuviita.

²⁶ Nomwana uyu Samweli ya meda kuviruka, na a va nobugasu ku Yahova, noku avandu.

²⁷ Kandi mundu wa Nyasaye ya duka ku Eli na a mu volera, Yahova a vola yaga Inze si nda vuulika ku inyumba ya dada wowo, lwa va li mu Egepeti mu butugua mu inyumba ya Farao?

²⁸ Na si nda tovola uyu mu tsihiri tsyosi tsya Israeli a gwe musalisi wange, yanegira kutsia ku bwali bwange, kuvuyidza kimuli, nokwivika kisibao imbiri wange? Na si nda haana ku avenyumba yadada wowo vihaanwa vyosi vyavana va Israeli va haana nomuliru?

²⁹ Kunnngwa kigira ki mu lasanga luvasi ku kihaanwa kyange, nekisyuviriru kyange, vya nda laga mu hokumenya hange, no widzominya avana vovo kuvita inze, nokwekomeridza nevihaanwa vilahi vyavandu vange Israeli?

³⁰ Kunangwa Yahova, Nyasaye wa Israeli, a vola, Inze nda vola, Ligali inyumba yoyo, nenyumba yadada wowo, i la genda imbiri wange kazozo: navuts va kalunu Yahova a vola, Inkuva yiyi i veve ihale ku inze; kigira yavo vidzominya inze nda vidzominya, na yavo va lega inze va la v olerwa, si vn veye kindu.

³¹ Henza, madiku gadzanga, mu madiku yago nda kalnga mukono gugwo, nomukono gwenyumba ya dada wowo, na a la vula kuva ho musakulu mu inyumba yoyo.

³² Na u la lola kivi kya hokumenya hange, mu ubutugi bwosi bwa Nyasaye a haana ku Israeli; kandi a la vula kuva ho musakulu mu inyumba yoyo mihiga nemihiga.

³³ Nomundu wowo, u a mbula kumutwulidza ku ubwali bwange, a la va wokukuvakulidza tsimoni tsitsyo, nokuvereridza mwoyo gugwo; nelimedeka lyosi lyenyumba yoyo va la kudzira mu bulahi bwelimenya lyavo.

³⁴ Ne yili li la va lilolekidza ku ive, li la duka ku avana vovo vaviri, ku Hofini noku Finehasi: va la kudza vombi ku lidiku lilala.

³⁵ Ma ndesingeridzira musalisi musuuvirifu, a la kola kuli aga mbeye nago mu mwoyo gwange nmu tsiganagani tsyange: na nda mwombakira inyumba yetsingulu; na a la genda imbiri wombake wange mihiga nemihiga.

³⁶ Na ga la duka, kuvo vosi va tigala mu inyumba yoyo a la mwinamira a duke kunyola kidonye kyefetha nobukima, nokumuvolera, Mwadza, u mbike mu muyinzi mulala gwa avasalisi, nduke kulia kidonye kikekeke kyobukima.