1 Samweli 16 - KITABU KITAKATIFU

¹ Na Yahova ya volera Samweli, U la syomera Saulo kuduka inyingaki, kigira inze mmu suye, a vule kuva mwami ku Israeli? Wizulitse maguta mu lwiga lulwo, u tsie: nda ku tuma ku Jesse Mubeth lehemu; kigira inze nzenyoleye mwami mu avana veve.

² Na Samweli ya vola, Inze nda tsia ndi? Saulo na a hulira, a la nziita. Na Yahova ya mu volera, U hile kimoli halala nive, u vole, Inze nduki kwiitira Yahova isadaka.

³ Na u lange Jesse yadze ku isadaka, na nda ku mannya gokukola: na u la vaka amaguta uyu wa nku talira a ve wange.

⁴ Na Samweli ya kola ga Yahova ya vola, na ya duka Beth-lehemu. Na vakulundu velidala va tsia kumwaganira ni va degera, ni va mu teva, U duka nemirembe?

⁵ Naye ya vola, Yee, nemirembe; nduki kuhaana kihaanwa ku Yahova: mwetakase avene, na mu duke halala ninze mwisadaka. Na ya takasa Jesse navana veve, na ya va langa vadze ku isadaka.

⁶ Na ga duka lwa va mala kuduka, ya henza Eliabu, na a vola, Ligali mbake wa Yahova a veye imbiri wewe.

⁷ Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.

⁸ Hene yaho Jesse ya langa Abinadabu, na ya mwimiridza imbiri wa Samweli. Naye ya vola, Yahova si a tovola uyu.

⁹ Ma Jesse yimiridza Shama imbiri wewe. Naye ya vola, Yahova si a tovola uyu.

¹⁰ Na Jesse yimiridza avayai veve vatano na vaviri imbiri wa Samweli. Na Samweli ya volera Jesse, Yahova si ya tovola yava mba.

¹¹ Kunangwa Samweli ya teva Jesse, Avana vovo vosi va veye hano naho? Naye ya vola, U tigaye muke wavo, na, henza, yayanga magondi. Ma Samweli ya volera Jesse, Tuma mundu a tsie kumuleta; kigira kwinye si ku likala kulia a luhe yadze.

¹² Naye ya tuma mundu, na a mu leta. Naye ya li mwakanyu, womumoni mulahi noweligondo lilahi. Yahova ya vola, Singira u mbake, kigira uyu niye.

¹³ Kunangwa Samweli ya vugula lwiga lwamaguta, na a mbakira hagati ha vamwavo veve: Roho wa Yahova yadza ku Daudi netsingulu kutwula lidiku yilyo. Ma Samweli ya singira na a tsia Rama.

¹⁴ Inyinga yeyo Roho wa Yahova ya twula ku Saulo, nomwoyo mudamano gwa twula ku Yahova gwa mu dambidza.

¹⁵ Na vatumekiri va Saulo va mu volera, Henza kalunu, roho mudamano gutwula ku Nyasaye gu ku dambidzanga.

¹⁶ Mwami wetu a lage kwinye avatumekiri veve, va veye imbiri wowo, venye mundu u veye musidza kukupa ubukana: na ga la va, lwa mwoyo mudamano gu twula ku Nyasaye gu veye ku ive, a la kupa ubukana nomukono gwigwe, na ive u la hona.

¹⁷ Na Saulo ya volera avatumekiri veve, Mu nyolere mundu kaluml, u nyala kukupa ubukana bulahi, mu ndetere.

¹⁸ Ma mulala kuvo avasoleli, ya tivula na a vola, Henza, ndoli mwana mulala wa Jesse Mubeth-lehemu, a veye musidza wokukupa ubukana, kandi a veye muluviriri, na a veye mundu welihe, nomugeeri mu livola, naye a veye mundu mulahi; na Yahova a veye halala naye.

¹⁹ Kunangwa Saulo ya tuma avatumekiri va tsie wa Jesse, nokuvola, U ndetere Daudi mwana wowo, u veye halala namagondi.

²⁰ Na Jesse ya vugula isukiri indala ya ginga musigu gwobukima, nemuya yewaini, nekimeme, na ya vi hila ku Saulo mu mukono gwa Daudi mwana wewe.

²¹ Daudi ya duka ku Saulo, na ya singira imbiri wewe: na ya myanza ligali; na ya duka kuva mugingi wevyuma vivye.

²² Na Saulo ya tuma mundu ku Jesse, na a mu volera. Mwadza, u leke Daudi a singire imbiri wange; kigira u yanziki imbiri wange.

²³ Na ga duka, roho mzldamano gwa twula ku Nyasaye, lwa gwa li ku Saulo, Daudi ya vugula ubukana, na a bu kupa nomukono gwigwe: ma Saulo ya lola bulahi, na a sosa, nomwoyo mudamano gwa twula kuye.