1 Kyetsinyinga 4 - KITABU KITAKATIFU

¹ Avana va Yuda: Pereze, Heziron, na Karmi, na Huru, na Shobali.

² Na Reaia mwana wa Shobali yivula Jahathu: Jahathu yivula Ahu mai na Lahadi. Yava ni bwiko bwa Vazorathi.

³ Na yavo va li avana va dada wavo Etam: Jezireeli, na Ishima, na Idibasha na lieta lyambotso wavo lya li Hazeleliponi;

⁴ na Penueli dada wa Gedoru, na Ezeri dada wa Husha. Yavo nivo avana va Huru, wa tanga kwivulwa wa Efarata, dada wa Bethlehemu.

⁵ Na Ashuru dada wa Tekoa ya li navakali vaviri, Hela na Naara.

⁶ Na Naara ya mwivulira Ahuzam, na Heferu, na Temeni, na Haahashatari. Yavo nivo avana va Naara.

⁷ Navana va Hela va li Zerethu, na Iziharu, na Ethinan.

⁸ Na Hakozu yivula Anubu, na Zobeba, nobwiko bwa Ahariheli mwana wa Harum.

⁹ Na Jabezu ya li nelidzominywa kuvita avamwavo veve: na mama wewe ya mu gulika Jabezu, na a vola, Kigira nda mwivula nelivererera.

¹⁰ Na Jabezu yanira Nyasaye wa Israeli, na a vola, Nkano wa ngasidza ligali, nokumeda lwako lwange, nomukono gugwo gu ve halala ninze, kandi u ninde ku budamano, bu vule kuva buverereri bwange Na Nyasaye ya mu kolera yaga aga ya teva.

¹¹ Na Kelubu amwavo wa Shuha yivula Mehiru, ya li dada wa Eshiton.

¹² Na Eshiton yivula Bethrafa, na Pasea, na Tehina dada wa Iri nahashu. Yavo va li avandu va Reka.

¹³ Navana va Kenazu: Othinieli, na Seraia. Navana va Othinieli: Ha thathu.

¹⁴ Na Meonothai yivula Ofira: na Seraia yivula Joabu dada wa Geharashim; kigira yava va li avasidza.

¹⁵ Navana va Kalebu, mwana wa Jefune: Iru, na Ela, na Naam; navana va Ela; na Kenazu.

¹⁶ Navana va Jehaleleli: Zifu, na Zifa, na Tiria, na Asareli.

¹⁷ Navana va Ezara: Jetheri, na Meredi, na Eferi, na Jalon; naye yivula Miriamu, na Shamai, na Ishiba dada wa Eshitemo.

¹⁸ Nomukali wewe Muyuda yivula Jeredu dada wa Gedoru, na Heberi dada wa Soko, na Jeku thieli dada wa Zanoa. Na yava va li avana va Bithia mukana wa Farao wa kwebwa na Meredi.

¹⁹ Navana vomukali wa Hodia, mbotso wa Naham, va li dada wa Keila Mugarimi, na Eshitemo Mumaakathi.

²⁰ Navana va Shimon: Amnon, na Rina, na Benhanan, na Tilon. Navana va Ishi: Zohethu, na Ben zohethu.

²¹ Na yavo avana va Shela mwana wa Yuda: Eri, ise wa Leka, na Laada ise wa Meresha, nobwiko bwenyumba ya yavo ava li avaluki avengubo indahi yekatani avenyumba ya Ashebea;

²² na Jokim, navandu va Kozeba, na Joashu, na Sarafi, wa li ni yameha li mu Moabu, na Jashubilehem. Yivi vi veye tsinyinga tsya kale ligali.

²³ Yavo va li avalongi, navo va menya ha Netaim na Gedera: va li ni va menya halala nomwami mu miyinzi gyigye.

²⁴ Na vana va Simeoni: Nemueli, na Jamin, na Jaribu, na Zera, na Shaulu:

²⁵ Shalum mwana wewe, Mibisam mwana wewe, Mishima mwana wewe.

²⁶ Navana va Mi shima: Hamueli mwana wewe, Zakuru mwana wewe, Shimei mwana wewe.

²⁷ Na Shimei ya li navana vayai likumi na vatano na mulala, na avana vakana vatano na mulala navutswa avamwavo veve si va li navana vanyingi, kinga bwiko bwavo si va meda kuli avana va Yuda.

²⁸ Navo va menya ha Beersheba, na Molada, na Hazarshuali,

²⁹ na ha Bilha, na ha Ezem, na ha Toladi,

³⁰ na ha Bethueli, na ha Horma, na ha Ziklagu,

³¹ na ha Bethmarika bothu, na Hazarsusim, na ha Beth biri, na ha Shaaraim. Yaga ga li madala gavo kuduka inyinga ya lyameha lya Daudi.

³² Notudala twavo twa li Etam, na Ain, na Rimon, na Token, na Ashan, madala gatano;

³³ notudala twavo twosi twa li tsimbega tsyosi tsya madala zana, kuduka Baal. Yibu ni bumenyo bwavo, na va veye nameta gevisuku lulwi vyavo.

³⁴ Na Meshobabu, na Jamleki, na Josha mwana wa Amazia,

³⁵ na Joeli, na Jehu mwana wa Joshibia, rnwana wa Seraia, mwana wa Asieli,

³⁶ na Elioenai, na Jaa koba, na Jeshohaia, na Asaia, na Adieli, na Jesimieli, na Benaia,

³⁷ na Ziza mwana wa Shifi, mwana wa Alon, mwana wa Jedaia, mwana wa Shimiri, mwana wa Shemaia

³⁸ yavo ava ameta gavo ga taleywi hano va lange avanene mu bwiko bwavo: netsinyumba tsyavaguga vavo tsya medeka ligali.

³⁹ Na va tsia kuduka kwi ngira ku Gedoru, ga veye ava duka ku luvega lwevugwe lwelivona, venye kyairu kyamagondi gavo.

⁴⁰ Navo va nyola kyairu kilahi kigasu, neki vala kyene kya li nobwiyangu, na kya li kyeremeridza, nekyemirembe; ki gira yavo ava menya mu kivala yikyo ku matsyambiri va li ava Ham.

⁴¹ Na yavo ava ameta gavo ga ng'odwa va tsia yo mmadiku ga Hezekia mwami wa Yuda, nokukuya mahema gavo, na Vameunim ava nyoleka yo, va va dividza ligali ku duka lidiku lya lero, na va menya mbugono bwavo; kigira ha li na kyaviru kyamagondi gavo.

⁴² Navalala kuvo, livola li veye avana va Simeon, avasatsa tsimia tsitano, va tsia mu kigulu kya Seiru, navanya mpara vavo va li yava, Pelatia na Nearia, na Refaia, na Uzieli, avana va Ishi.

⁴³ Na va kuya Vaamaleki ava tigala ava hona, na va menya yo kuduka lero.