1 Kyetsinyinga 22 - KITABU KITAKATIFU

¹ Ma Daudi ya vola, Inyumba ya Yahova Nyasaye ni yiyi, na yibu nobwali bwekihaanwa kyokusambwa bwa Israeli.

² Na Daudi ya laga kuvungidza halala avamenyi ava veye mu kivala kya Israeli; naye ya laga avokuvadza magina va vadza magina kwo mbaka inyumba ya Nyasaye.

³ Ka ndi Daudi ya lomba vivya vinyingi vyemi sumari gyemiliango neviribwa negyeviboheru nemigasa minyingi gya vula kugerwa;

⁴ nemisala gyemi taragwa gya vula kuvalidzwa: kigira Vasidone na yavo Vaturo va letera Daudi misala gyemitaragwa minyingi.

⁵ Daudi ya vola, Mwana wange Solomoni a veye mwana mudoto, nenyumba i lombakirwa Yahova ga gi dukira kuva indahi ligali, lyo kwidzominywa ni yokukuminywa mu vivala vyosi: kunangwa inze nda gi lombera akiba. Ma Daudi ya lomba vindu vinyingi na a kikiri kukudza.

⁶ Hene yaho ya langa mwana wewe Solomoni, na a mu laga yombakire Yahova, Nyasaye wa Israeli, inyu mba.

⁷ Na Daudi ya volera mwana wewe Solomoni, Inze mwene, nda li ni ng'anagana mu mwoyo gwange kwombaka inyumba i ve yelieta lya Yahova Nyasaye wange.

⁸ Navu tswa likuva lya Yahova lya duka ku inze, ni li mbolera, Ive wa tahidza masahi manyingi, na wa kola ubu lwani bunene: ive si u lombaka inyumba i ve yelieta lyange mba, kigira wa tahidza masahi manyingi ku lirova imbiri wetsimoni tsyange.

⁹ Henza, mwana muyai a livulwa ku ive, u li va mundu wokwelemeridza; na inze nda mu sosidza ku vasigu veve vosi tsimbega tsyosi; kigira lyeta lilye li la va Solomoni, na nda ha Israeli mirembe nobusosi mu madiku gege.

¹⁰ Uyu a lombaka inyumba i ve yelieta lyange; naye a la va mwana wange, na inze nda va dada wewe; na nda singeridza intebe yobwami bwibwe ku Israeli mi higa nemihiga.

¹¹ Kunangwa ka lunu, mwana wange, Yahova a ve halala nive; nokukugasidza, na wo mbake inyumba ya Yahova Nyasaye wowo, kuli ya vola ku makuva gogo.

¹² Na Yahova a ku he tsiganagani nelimanya, kandi a ku he lyeganehi dza ku Israeli; ku yaga u duke kugu mira amalago ga Yahova Nyasaye wowo.

¹³ Hene yaho u la gasidzwa, nu u va nu wiguluhidza kudukidza lilagana nelikalaga lya Yahova ya laga Musa ku Israeli: u ve wetsingulu, nowekilema mwoyo; u ta tia mba kandi u ta kudza mwoyo.

¹⁴ Kuna ngwa, kalunu, henza, mu lyegehidza lyange, nombeye inyumba ya Yahova, tsitalenta syethahabu tsielfu mia, netsitalenta tsyefetha tsielfu elfu; nemigasa nevivya si vya gerwa mba kigira vi veye vinyingi ligali: kandi mali kulomba misala namagina; na ive u veye nobwiyangu bwokumeda.

¹⁵ Halala na yaga u veye navasidza vanyingi halala nive, avokuvadza nokukola miyinzi gyamagina nemi sala, navandu vosi avobugeeri mu miyinzi tsing'ano tsyosi:

¹⁶ mu ithahabu, nefetha, nomugasa, neki vya, si ha veye nelivalidzwa lyavyo. Vuka u kole miyinzi, na Yahova a ve halala nive.

¹⁷ Na Daudi ya laga avanene vosi ava Israeli va konye Solomoni mwana wewe, na a vola,

¹⁸ Yahova Nya saye wenyu si a veye halala ne mwinye? Na si a mali kumuha ubusosi ku vasigu venyu tsimbega tsyosi? Kigira u viki ava menyanga mu kivala mmukono gwange; nekivala yiki ki gehidzeywi imbiri wa Yahova, ne imbiri wavandu veve.

¹⁹ Kuna ngwa kalunu, mu vike myoyo gyenyu na roho gyenyu kwenya Yahova Nyasaye wenyu; kunangwa, singire mwombake hango hatakatifu ha Yahova Nyasaye wenyu, kuduka ku leta lisanduku lya Yahova, neviju vitakatifu vya Nyasaye, nokuvivika mu inyumba yombakirwa lieta lya Yahova.