1 Kyetsinyinga 19 - KITABU KITAKATIFU

¹ Inyima wa yaga ga duka, Nahashu mwami wavana va Amon ya kudza, na mwana wewe yameha mbugono bwibwe.

² Na Daudi ya vola, Nda kolera Hanun mwana wa Nahashu tsimbabasi kigira dada wewe ya kolera inze tsimbabasi. Ma Daudi ya tuma ava tumwa kumuleminya mwoyo kigira dada wewe. Avatumwa va Daudi va tsia ni vingira mu kivala kyavana va Amon va duke ku Hanun, ku mu leminya mwoyo.

³ Navutswa ava nene vavana va Amon va volera Hanun, U ganagana Daudi widzomi nyanga dada wowo, mu lileta ku ive yavo ava ku leminya mwoyo? Ava tumwa veve si vadzi ku ive kuhenza nokutung'aminya nokuluta kivala?

⁴ Ma Hanun ya vugula avatumwa va Daudi, na a va vega, nokukalaga tsi ngubo tsyavo hagati kuduka ku ma dako, nokuvakunga va tsie.

⁵ Hene yaho avandu vandi va tsia kuvolera Daudi kuli avandu yavo va kolwa. Na ya tuma avandu kuvaganira; kigira avandu yavo va li ni va veye isoni ligali. Na mwami ya va volera Mu menye Yeriko kuduka tsinderu tsyenyu tsi mera kandi, kunangwa mwirane.

⁶ Na lwa avana va Amon va lola vekoli avene kuva livihiriridza ku Daudi, hene yaho Hanun navana va Amon va hila tsitalenta tsyefetha tsielfu kutunga magari navasikari vokunina ku tsiparasi kutwula Meso potamia, nokutwula Arammaaka, nokutwula Zoba.

⁷ Ma vetungira avene amagari tsielfu makumi gavaka na tsiviri, nomwami wa Maaka navandu veve, vadza nokusingeridza mahema gavo kuhenzana ha Medeba. Navana va Amon vevungidza avene ni va twula mu madala gavo, noku tsia ku bulwani.

⁸ Na lwa Daudi ya ga hulira, ya tuma Joabu, nelihe lyosi lyavaluviriri.

⁹ Navana va Amon va twula, ni va singeridza ubulwani ha kiribwa kyelidala: na vami vadza va li veng'ine mu mulimi.

¹⁰ Kunangwa lwa Joabu ya lola ubulwani bwa mukumbira kulwana naye imbiri nenyima, ya tovola ava ndu mu vosi avatovole va Israeli, na ya va lohidza kulwana na Vasiria.

¹¹ Na vatigala ku avandu ya va vika mmukono gwamwavo wewe Abishai; navo velohidza kulwana navana va Amon.

¹² Na ya va volera, Vasi ria yavo ni va va ni va veye netsi ngulu kuvita inze, hene yaho u la nkonya; navutswa avana va Amon ni va va ni va veye netsingulu kuvita ive, hene yaho nda ku konya.

¹³ Mu ve avaluviriri, mu kole kuli vasatsa kigira avandu vetu, na kigira madala ga Nyasaye wetu: na Yahova a kole aga a lolanga kuva malahi.

¹⁴ Ma Joabu navandu va li halala naye ve sunda imbiri wa Vasiria kulwana navo; na viruka imbiri wewe.

¹⁵ Na lwa avana va Amon va lola Vasiria viruki, navo kandi viruka imbiri wa Abishai amwavo wewe, na vingira mu lidala. Hene yaho Joabu ya tsia Yerusalemi.

¹⁶ Na lwa Vasiria va lola va guuteywi imbiri wa Israeli, va tuma avatumwa, nokuvungidza Vasiria va li ku lwangereka lundi lwo Mugera, halala na Shofaku munene welihe lya Hadarezeri kwimira imbiri wavo.

¹⁷ Na Daudi ya volerwa; na ya vungidza Israeli vosi halala, nokwa mbuka mugera gwa Yordani, na ya duka kuvo, na a lohidza ubulwani kulwana navo. Ma Daudi lwa ya lohidza ubulwani kulwana na Vasi ria va lwana naye.

¹⁸ Na Vasi ria viruka imbiri wa israeli; na Daudi yiita ku Vasiria avaizda va magari tsielfu tsitano na tsiviri, navasikari va genda nevirenge tsielfu makumi gane, kandi yiita Shofaku munene welihe.

¹⁹ Navatumekiri va Hadarezeri lwa va lola va guu teywi imbiri wa Israeli, va kole mirembe na Daudi, na va mu tume kira: kandi Vasiria si va bugirira kukonya avana va Amon kandi mba.