1 Kyetsinyinga 16 - KITABU KITAKATIFU

¹ Na vingeridza lisanduku lya Nyasaye, nokulivika hagati he lihema lya Daudi ya li singeridzira: na va haana vihaanwa vyokusa mbwa, nevihaanwa vyemirembe imbi ri wa Nyasaye.

² Na lwa Daudi ya mala lihaana lyevihaanwa vyokusa mbwa nevihaanwa vyemirembe, hene yaho ya gasidza avandu yavo ku lieta lya Yahova.

³ Kandi ya ha sa mulala ku Israeli, avasatsa nava kali, sa mulala ya hebwa imango yobukima, nekidonye kyenyama, ne mango yamazabibu guminywa.

⁴ Na ya vika valala ku Valevi va tumike imbiri welisanduku lya Ya hova, nokwidzulitsa nokusantidza no kwidzominya Yahova, Nyasaye wa Israeli:

⁵ munene wavo Asafu, na wa kaviri kuye Zekaria, na Jeieli, na Shemiramothu, na Jehieli, na Mati thia, na Eliabu, na Benaia, na Obed edom, na Jeieli, halala nobukana bwavo, nobukana bwemigoye: na Asafu ya li nevikuli, vyokulangirira ligali;

⁶ na Benaia na Jahazieli avasalisi avevisiliva kazozo, imbiri welisanduku lyelilagana lya Nya saye.

⁷ Lidiku yili nilyo lya Daudi ya tanga kulaga kusantidza Yahova, nomukono gwa Asafu navamwavo veve.

⁸ O santidze Yahova, wanire lieta lilye; U vuulire vikolwa vivye mu tsihiri.

⁹ Mu mwimbire, mu mwidzominye; Mu vole vikola vyosi vivye vyo kugenya.

¹⁰ Mwekuminye ku lieta lilye lita katifu; Mwoyo gwa yavo avenyanga Yahova gu sangale.

¹¹ Mwenye Yahova netsingulu tsi tsye; Mwenye mmoni mwimwe kazozo.

¹² Mwidzulitse miyinzi gyokugenya gya ya kola, Vyokugenya vivye, nelikalaga lyo munwa gwigwe,

¹³ O mwinye avolwivulo lwa Israeli mutumekiri wewe Mwinye avana va Yakobo, ava tovole veve.

¹⁴ Uyu niye Yahova Nyasaye wetu; Mu lirova yili lyosi likalaga lilye li veye mu.

¹⁵ Mwidzulitse lilagana lilye mihiga nemihiga, Likuva lya ya laga ku visuku lulwi elfu,

¹⁶ Lilagana lya ya lomba na Abra hamu, Lisuha lya yisuhira Isaka,

¹⁷ Nalyo ya li dinyeridzira Yakobo kuva lilaga, Ku Israeli kuva lilagana lyemihiga nemihiga

¹⁸ Na a vola, Nda ku ha kivala kya Kanani, Kya gerwa kuva miyandu gyenyu

¹⁹ Lwa mwa li avandu vakekeke mu livalidzwa, Yee, vakekeke ligali, kandi avageni mukyo;

²⁰ Na ligenda lyavo lya li mu tsihiri netsihiri, Kutwula ku bwami yibu kuduka ku avandu vandi.

²¹ Si ya leka kali mundu ku vosi kuvadambidza; Yee, ya gondokera avami kigira yavo,

²² Na a vola, Mu ta dira mukono ku vavake vange, Kandi mu ta kupidza avaprofeti vange kivi.

²³ Mwimbire Yahova, lirova lyosi; Mu landidze lidiku nelidiku bu honyi bwibwe.

²⁴ Mu volere tsihiri ubukumi bwi bwe, Mu uolere vikolwa vivye vyoku genya hagati ha avandu vosi.

²⁵ Kigira Yahova a veye munene nowokwidzominywa ligali: A veye wokutibwa kuvita vanya saye vosi.

²⁶ Kigira avanyasaye vosi vavandu va veye vifwananyi: Navutswa Yahova ya lomba li gulu.

²⁷ Ubunene nobukumi vi veye ha mbiri hehe: Tsingulu nobuyanzi vi veye hango hehe.

²⁸ Mu he Yahova, mwinye bwiko bwavandu. Mu he Yahova ubukumi netsi ngulu;

²⁹ Mu he Yahova ubukumi bu dukiranga lieta lilye: Mu vugule kihaanwa, mudze nakyo imbiri wewe Mu sigamire Yahova nobukumi bwobutakatifu.

³⁰ Mu degere imbiri wewe, lirova lyosi: Lirova li singeridzeywi, si li nyala kusundwa.

³¹ Ligulu li sangale, nelirova li yanze; Va vole mu tsihiri, Yahova wamehanga.

³² Inyanza i luume, na vindu vyosi vi veye muyo; Milimi kandi gyi yanze, na vyosi vi veye mugyo

³³ Hene yaho misala gyommilitu gyi la sangala imbiri wa Yahova; Kigira yadzanga kukalagira lirova.

³⁴ O santidza Yahova; kigira a veye mulahi; Kigira tsimbabasi tsitsye tsi veye ho mihiga nemihiga.

³⁵ Mu vole, U ku honnye, O Nyasaye wobuhonnyi bwetu Na u ku vungidze halala kuku honnya ku tsihiri, Ku duke ku santidze lieta lilyo litakatifu Nokwekuminya mu lieta lilyo.

³⁶ Yahova a gasidzwe, Nyasaye wa Israeli, Kutwula mihiga nemihiga kuduka mihiga nemihiga. Navandu vosi va vola, Amini, ni vidzominya Yahova.

³⁷ Ma ya va leka yo imbiri weli sanduku lyelilagana lya Yahova, Asaru navamwavo veve, va tumike imbiri welisanduku kazozo, kuli mi yinzi gyamadiku gosi gyenyanga;

³⁸ na Obededom halala navamwavo vavo, makumi gatano na lilala na vatano na vavaka; Obededom mwana wa Jeduthun, na Hosa va ve avalindi vekiliango:

³⁹ na Zadoku musalisi, navamwavo veve vasalisi, imbiri welihema lya Yahova mu hadi guluku ha li Gibeon,

⁴⁰ kuhaana vihaanwa vyokusambwa ku Yahova, igulu wobwali bwevihaanwa vyoku sambwa, kazozo mugamba na mga lova, kuli gosi ga ng'odwa mu li laga lya Yahova, lya ya laga Israeli;

⁴¹ kandi halala navo Heman na Jeduthun, navandi va tovolwa, ava talwa ameta gavo kusantidza Yahova kigira tsimbabasi tsitsye tsi veye tsyemihiga nemihiga;

⁴² kandi ha lala navo Heman na Jeduthun ne visiliva nevikuli vya yavo ava ha nzuka ligali, nobukana bu ve vyetsi nyimbu tsya Nyasaye: navana va Jeduthun va ve ha kiribwa.

⁴³ Na vandu vosi va tsia sa mulala ingo wewe: na Daudi yirana a duke kuga sidza inyumba yeye.