1 Kyetsinyinga 13 - KITABU KITAKATIFU

¹ Na Daudi ya volerana navanya mpara vetsielfu, na vetsimia, na halala navimiriri vosi.

² Na Daudi ya volera livugana lyosi lya Israeli, Ni mu va ni mu lola bulahi, ni li va ni li veye likuva li twulanga ku Yahova Nyasaye wetu, gendi kuhila makuva kyova hosi ku vamitu vetu ava tigala mu kivala kyosi kya Israeli, ava vasalisi na Valevi va veye halala navo mu madala ga veye notu dala, va duke kuvugana halala na kwinye;

³ ku lete ku kwinye kandi lisanduku lya Nyasaye wetu: kigira si kwa teva kulyo mmadiku ga Saulo.

⁴ Na livugana lyosi lya vola va la kola ndiyo; kigira likuva yilyo lya dukana imbiri wavandu yavo vosi.

⁵ Ma Daudi ya vungidza halala Vaisraeli vosi, kutwula Shihoru mu gera gwa Egepeti, kuduka ho kwingi rira Hamathu, kuleta Lisanduku lya Nyasaye, kutwula ha Kiriathu jearim.

⁶ Na Daudi yanegira, na Vaisraeli vosi halala naye, kuduka Baala, li reye Kiriathujearim, li veye miyandu gya Yuda, kuleta li twule yo lisanduku lya Nyasaye, Yahova wikalanga igulu wavakerubi, ha Lieta lyanirangwa.

⁷ Na va hila lisa nduku lya Nyasaye ku ligari lihya, na va li leta kutwula mu inyumba ya Abinadabu: na Uza na Ahio va gendidza ligari.

⁸ Na Daudi na Israeli vosi va kina imbiri wa Nyasaye netsingulu tsyavo tsyosi, netsinyi mbu, nobukana, nobukana bwemigoye, na tsisuguti, nevikuli, nevisiliva.

⁹ Na lwa va duka ku lodze lwa Kidon, Uza ya nyira mukono a duke kugumira lisanduku; kigira tsing'ombe tsigikitala.

¹⁰ Nobutima bwa Yahova bwaaka ku Uza, na ya mu duya, kigira ya nyira mukono gwigwe ku lisanduku: na ya kudzira ho imbiri wa Nyasaye.

¹¹ Na si ga yanzika ku Daudi, kigira Yahova ya twulira Uza: na ya gulika ha zana Perezeuza kuduka lero.

¹² Na Daudi ya tia Nyasaye lidiku zana, na a vola, Nyala kuleta ndi lisanduku lya Nyasaye lidze ku inze?

¹³ Ma Daudi ya vula kuleta lisanduku lidze kuye mu lidala lya Daudi, navutswa ya li hila ha luvega nokulivika mu inyumba ya Obededom Mugiti.

¹⁴ Ma lisa nduku lya Nyasaye lya menya halala navenyumba ya Obededom mu inyu mba yeye, myeli gyivaka: na Yahova ya gasidza inyumba ya Obededom, na vyosi vya ya li navyo.