1 Kyetsinyinga 12 - KITABU KITAKATIFU

¹ Yavo nivo ava duka ku Daudi ha Ziklagu, lwa ya li ni yivisi kigira Saulo mwana wa Kishi; navo va li ku vobunyali, avamukonya mu bukvani.

² Va li nevyuma vyavo vyobuta, navo va li nobunyali kutu mekira amakono malungi namakono mamosi kulasa magina nolukova, no kulasa mibano nobuta: va li vamwavo va Saulo va Benjamini.

³ Munene wavo ya li Ahiezeru; kandi Joashu avana va Shemaa Mugibeathi, na Jezieli, na Peletu, avana va Azima vethu, na Beraka, na Jehu Muana thothi,

⁴ na Ishimaia Mugibeon, wetsingulu mu yavo makumi gavaka, naye ya li igulu wa yavo makumi gavaka, na Jeremia na Jahazieli, na Johanan, Jozabadu Mugederathi,

⁵ Eluzai, na Jerimothu, na Bealia, na Shemaria, na Shefatia Muharufi,

⁶ na Elikana, na Ishia, na Azareli, na Joezeru na Jashobeam, Vakora,

⁷ na Joela, na Zebadia, avana va Jeroam wa Gedoru.

⁸ Nomu yavo Vagadi veyahula nokutsia ku Daudi mu impinga mwi gendanyama, avetsingulu avaluviriri, avegidzwa kulwana, avanyala kutu mekira ingavo na litimu; avommoni mwavo mwa leng'ang'a nommoni mweving'ang'a, navo va li netsimbiru kuli imboongo ku vigulu:

⁹ va li Ezeri munene wavo, nowa kaviri Obadia, nowa kavaka Eliabu,

¹⁰ wa kane Mishimana, wa katano Jeremia;

¹¹ wa katano nomulala Atai, wa katano na kaviri Elieli,

¹² wa ka tano na kavaka Johanan wa katano na kane Elizabadi,

¹³ welikumi Jeremia, welikumi nomulala Maka banai.

¹⁴ Avandu yava mu avana va Gadi, va li avanyampara velihe lyavasikari: uyu wa li muke wavo ya li igulu ku avandu mia, na uyu wa li munene ya li igulu ku vandu elfu.

¹⁵ Yavo nivo avambuka Yordani ku mweli gwokutanga, lwa gu va gwizu lira ku tsimbega tsyagwo tsyombi; navo va kunga vosi avomwivona, ku luvega lwevugwi noku luvega lwama dioli.

¹⁶ Na avalala ku avana va Benja mini na va Yuda va tsia ku Daudi ha impinga.

¹⁷ Daudi ya twula kutsia kuvaganira, na ya va tivulira na a va volera, Ni mu va ni muudzi ku inze nemirembe kunkonya, mwoyo gwange gu la hambana nemwinye; navutswa ni mu va ni muudzi kunzama noku mbika ku vasigu vange, kigira si ha veye nobukyamu mmakono gange, Nyasaye wavaguga vetu a lole inkuva yiyi, nokugigaya.

¹⁸ Ma Roho ya duka ku Amasai, wa li munene wa yavo makumi gavaka, na a vola, Ku veye avovo, ive Daudi, ku veye ku luvega lulwo, ive mwana wa Jesse: mirembe, mirembe, ku ive, nemirembe gyi ve ku va konyanga ive; kigira Nyasaye wowo a konyanga ive. Hene yaho Daudi ya va bugirira, na a va kola avanyampara vekiduma.

¹⁹ Na avalala mu va Manase va gwa ku luvega lwa Daudi, lwa ya tsia halala na Vafilisiti kulwana na Saulo: navutswa si va va konya; kigira avanene va Vafilisiti lwa va kola kina va mu twulidza a tsie, ni va vola, A la ku leka a tsie ku munene wewe Saulo kukupidza mitwe gyetu kivi.

²⁰ Lwa ya li na a tsitsanga Ziklagu, va tsia kuye ava Manase, navo ni Adina, na Jozabadu, na Jediaeli, na Mikaeli, na Jozabadu, na Elihu, na Zilethai, ava li vanyampara avetsielfu tsya li tsya Vamanase.

²¹ Navo va konya Daudi a lwane nekiduma kyavasigu: kigira va li avasatsa vetsingulu vosi na va li avanene velihe.

²² Kigira lidiku nelidiku avandu vadza ku Daudi kumukonya, kuduka va li lihe lya duka linene, kuli lihe lya Nyasaye.

²³ Livalidzwa lyemitwe gyavo ave tegeka nevyuma ku bulwani ni yava avadza ku Daudi ha Hebironi, kugi runkannya ubwami bwa Saulo bu yeke kuye, kuli likuva lya Yahova.

²⁴ Avana va Yuda va ginga tsingavo na matimu tsielfu tsitano na indala na tsimia tsitano na tsivaka, vetegeka ku bulwani.

²⁵ Ku avana va Sime oni, avetsingulu navaluviriri ku bu lwani, tsielfu tsitano na tsiviri na mia indala.

²⁶ Ku avana va Levi tsielfu tsine, na tsimia tsitano na indala.

²⁷ Na Jehoiada niye mwimiriri we nyumba ya Haruni, naye ya li nava ndu tsielfu tsivaka na tsimia tsitano na tsiviri

²⁸ na Zadoku, musoleli wetsingulu nomuluviriri, navenyu mba ya dada wewe avanyampara ma kumi gaviri na vaviri.

²⁹ Noku avana va Benjamini, vamwavo va Saulo, tsielfu tsivaka kigira kuduka kalunu avanyingi kuvo va li vasuuvi rifu ku inyumba ya Saulo.

³⁰ Noku avana va Efiraim tsielfu makumi gaviri na tsimia tsitano na tsivaka, avaluviriri navetsingulu, avidzomi nywa mu tsinyumba tsya vadada vavo.

³¹ Noku inusu yehiri ya Manase tsielfu likumi na tsitano na tsivaka, ava talwa ameta gavo, ava dza kukola Daudi a ve mwami

³² Noku avana va Isakari, avandu velimanya lyetsinyinga, kumanya aga dukiranga Israeli kukola, mitwe gyavo gya li tsimia tsiviri; kandi avamwavo vavo vosi va hulira amalago gavo.

³³ Ku Zebuloni yavo ava nyala kutsia mu lihe, nokulohidza ubulwani nevindu tsing'uno tsyosi tsyobulwana, tsielfu makumi gatano ava nyala kulwana nava ta li nemyoyo gyiviri.

³⁴ Noku Nafitali avanyampara elfu, halala navo netsi ngavo namatimu tsielfu makumi ga vaka na tsitano na tsivirl.

³⁵ Noku Vadan ava nyala kulohidza ubulwani, tsielfu makumi gaviri na tsitano na tsivaka netsimia tsitano na indala.

³⁶ Noku Asheri, yavo ava nyala ku tsia halala nelihe ava nyala kulo hidza ubulwani, tsielfu makumi gane.

³⁷ Na engereka wa Yordani, ku Varu beni, na Vagadi, na inusu ku ihiri ya Manase, va li nevindu vyobulwani tsing'ano tsyosi tsyobulwani, tsielfu mia na makumi gaviri.

³⁸ Yavo vosi, avasatsa vobulwani, ava li nobunyali kulwana, va tsia Hebironi nemyoyo midukiru, va duke kukola Daudi umwami ku Israeli vosi; navandu va Israeli vosi ava tigala va li avomwoyo mulala kukola Daudi umwami.

³⁹ Na va li yo halala na Daudi madiku gavaka, ni va lia ni va nwa; kigira avamwavo vavo va vihula.

⁴⁰ Kuvita yaga yavo va li himbi kuvo, kali ava li ihale kuli Isakari, na Zebuloni, na Nafitali, va gingira ubukima ku tsisu kiri, noku tsing'amia, noku tsinyu mbu, noku tsing'ombe, vyokulia vyobusie, netsimango tsyamakuyu, na visakanyi vyemizabibu amumu, na iwaini, na maguta, netsing'ombe, na magondi manyingi: kigira ha li nobusangali mu Israeli.