1 Avami 9 - KITABU KITAKATIFU

¹ Kandi ga duka, lwa Solomoni ya mala kwombaka inyumba ya Yahova nenyumba yomwami, nelyenya iyosi lya Solomoni ya yanza kukola,

² ma Yahova ya loleka ku Solomoni hali kaviri, kuli ya loleka kuye ha Gibeon.

³ Yahova ya mu volera, na a vola, Mbuliye lisaala lilyo nelihomba lilyo, lya wa kola imbiri wange: mmali kutakasa inyu mba, ya wombaki, nduke kuvika muyo lieta lyange mihiga nemihiga; netsimoni tsyange nomwoyo gwange gu la va ho kazozo.

⁴ Kandi ku ive mwene, nu u va nu u genda imbiri wange, kuli dada wowo Daudi ya genda, na geligali gomwoyo, nombulungi, kukola kuli gosi aga nda ku laga, nokugumira amalago gange nemiima gyange;

⁵ hene yaho nda dinyeridza intebe yobwami bubwo ku Israeli mihiga nemihiga, kuli nda laga dada wowo Daudi, ni mbola, Si u la gehera mundu musatsa ku intebe yobwami ya Israeli.

⁶ Navutswa ni mu girunkana ku lilonda inze, mwinye kinga avana venyu, ni mu vula kugumira lilaga lyange namalago gange ga nda vika imbiri wenyu, navutswa ni mu tsia kutumekira avanyasaye vandi, nokuvasigamira;

⁷ hene yaho nda kalaga Israeli va twule mu kivala kya nda va ha; nenyumba yiyi, ya ntakasiye lieta lyange, ndi gi syuva ihale netsimoni tsyange; na Israeli a la va uluga no nelieta lyokukyaywa hagati ha avandu vosi.

⁸ Noku inyumba yiyi, kali ni i veye nobukumi kuli yibu, navutswa sa mulala u vitanga a la genya, nokuhuga; na a la vola, Ki gira ki Yahova u koli ndi kivala yiki, nenyumba yiyi?

⁹ Navo va la tivula Kigira va leka Yahova Nyasaye wavo, wa leta avaguga vavo kutwula mkivala kya Egepeti, navo va hambana navanyasaye vandi, nokuvasigamira, nokuvatumekira: kigira yaga Yahova u leti kuvo budamano yibu bwosi.

¹⁰ Na ga duka, inyima wemihiga makumi gaviri, gya Solomoni yo mbaka tsinyumba yitsyo tsyombi, inyumba ya Yahova nenyumba yomwami

¹¹ (Hiram mwami wa Turo wanyolira Solomoni misala gyemitaragwa negyindi kuli yigyi, nethahabu, kuli vya yenya vyosi), hene yaho mwami Solomoni ya ha Hiram madala makumi gaviri mkivala kye Galilaya.

¹² Na Hiram ya twula Turo kulola madala ga Solomoni ya mu ha; nago si ga mu yanzidza mba.

¹³ Naye ya vola, “Madala ki yaga ga wa mba, amwavo wange?” Na ya ga gulika kivala kya Kabuli kuduka lero.

¹⁴ Na Hiram ya hilira mwami tsitalenta tsyethahabu mia namakumi gaviri.

¹⁵ Na yiki ni kivune kyagira mwami Solomoni na a solola avandu, kuduka kwombaka inyumba ya Yahova, nenyumba yeye mwene, ne mpinga ya Milo, nolugaga lwa Yerusalemi, na madala ga Hazoru, na Megido, na Gezeri.

¹⁶ Farao mwami wa Egepeti yanegira, na a vugula lidala lya Gezeri, nokulisamba nomu liru, nokwiita Vakanani ava menya mu lidala, na ya li na a mali kuha mukana wewe, muka Solomoni, kidieli kikye.

¹⁷ Na Solomoni yombaka lidala lya Gezeri, na Bethhoron ya hasi,

¹⁸ na Baalathu, na Tamaru mwigendanyama, mu kivala,

¹⁹ na madala gosi aga akiba aga Solomoni, na madala ga ya vika mu magari gege gobulwani, na madala gavasikari veve vokunina ku tsiparasi, na ga mwene yenya kwombakira ubuyanzi bwibwe mwene mu Yerusalemi, na ha Lebanon, nomu kivala kyosi kya yameha mu.

²⁰ Navandu vosi ava tigala ku Vaamori, na Vahiti, na Vaperezi, na Vahivi, na Vajebusi, ava ta li avana va Israeli;

²¹ avana vavo va tigala inyima wavo mu kivala, ava avana va Israeli va vula kudividza mu yavo Solomoni ya so lola mu ava vikwa ku miyinzi gyobu tugwa kuduka lero.

²² Navutswa avana va Israeli, Solomoni si ya va kola avatugwa mba; navutswa nivo ava li avandu vobulwani, navatu mekiri veve, navanene veve, na vanyampara veve, na avameha ku magari gege noku avasikari veve ava nina ku tsiparasi.

²³ Yavo nivo avanene ava singerira miyinzi gya Solomoni, avandu tsimia tsitano na makumi gatano, avameha igulu wavandu ava tumika.

²⁴ Navutswa mukana wa Farao yanegira kutwula mu lidala lya Daudi kutsia ku inyumba ya Solomoni ya mwombakira: na inyima yombaka Milo.

²⁵ Hali kavaka ku muhiga mulala Solomoni ya haana vihaanwa vyoku sambwa nevihaanwa vyemirembe ku ubwali bwa yombakira Yahova, na ya vuyidza vimuli halala nevihaanwa, ku ubwali bwa li imbiri wa Yahova. Ma ya mala inyumba.

²⁶ Na mwami Solomoni ya lomba amato lugano lugano mu Ezion geberi, li veye himbi Elothu, ku luginga lwa Inyanza Inzakanyu, mu kivala kya Edom.

²⁷ Na Hiram ya hila avatumekiri veve ku amato zana, avelemi ava li nelimanya liva lyenya nza, halala navatumekiri va Solomoni.

²⁸ Na va duka Ofiru, ni va leta ithahabu kutwula mu kivala yikyo, tsitalenta tsimia tsine na makumi gaviri, ni va letera mwami Solomoni.