1 Avami 8 - KITABU KITAKATIFU

¹ Hene yaho Solomoni ya vungidza vakulundu va Israeli, na va li mitwe vosi vetsihiri, avanene vetsinyumlza tsyavaguga mu avana va Israeli, va duke ku mwami Solomoni mu Yerusalemi, vanigeridze lisanduku lyamalago ga Yahova kutwula mu lidala lya Daudi, lya li Zioni.

² Na vasatsa vosi va Israeli va vugana ku mwami Solomoni mu lilia, ku mweli gwa Ethanim, gu veye mweli gwa gyitano na gyiviri.

³ Na vakulundu vosi va Israeli va tsia, na vasalisi va ginga lisanduku.

⁴ Navo va leta lisanduku lya Yahova, nelihema lyokuvuganira mu, neviju vitakatifu vyosi vya li mu Lihema; viju zana vyosi avasalisi na Valevi va vyanigeridza.

⁵ Mwami Solomoni neli vugana lyosi lya Israeli, ava vugana, va li imbiri welisanduku halala naye, ni viita magondi netsing'ombe, tsi ta nanyikana kinga tsi ta valika kigira ubunyingi.

⁶ Avasalisi va leta lisa nduku lyamalago ga Yahova, ni va li vika mu bugono bwalyo, mu hataka tifu henyumba intakatifu, hatakatifu ho butakatifu, isi we tsimbaha tsyavakerubi.

⁷ Kigira vakerubi va nyira tsimbaha tsyavo igulu wa lisanduku, na vakerubi va kunika lisanduku nemisala gyalyo igulu.

⁸ Misala gya li mitambi, tsisonga tsyemisala tsya duka kuloleka mu hatakatifu imbiri wa hatakatifu; navutswa si gya loleka kyova mba: na gyi veye ho kuduka lero.

⁹ Si ha li nekindu mu lisanduku ni vi ta li vibao viviri vyamagina vya Musa ya vika mu lwa va li Horebu, ha Yahova ya lombera lilagana navana va Israeli, lwa va twula mkivala kya Egepeti.

¹⁰ Na ga duka, lwa ava salisi va mala kutwula mu hatakatifu, inyinga yeyo inyumba ya Yahova yizula lilesi,

¹¹ kuduka va vula kunyala kusingira, yavo avasalisi kutumika kigira lilesi; kigira ubukumi bwa Yahova bwizula inyumba ya Yahova.

¹² Inyinga yeyo Solornoni ya vola, Yahova ya vola a la menya mu kisundi kinene.

¹³ Ligali mmali kukwombakira inyumba yokumenya, ho kumenya hoho mihiga nemihiga.

¹⁴ Mwami ya girunkannya mmoni mwimwe, na a gasidza livugana lyosi lya Israeli: nelivugana lyosi lya Israeii lya singira.

¹⁵ Na ya vola, Yahova, Nyasaye wa Israeli a gasidzwe, wa volera Daudi dada wange nomunwa gwigwe, naye u mali kuga dukidza nomukono gwigwe, na a vola,

¹⁶ Kutwula lidiku yilyo lya nda twulidza avandu vange Israeli mu kivala kya Egepeti, si nda tovola lidala mu tsihiri tsyosi tsya Israeli nyombake mu inyumba, lieta lyange li ve ho; navutswa nda tovola Daudi a ve igulu wa vandu vange Israeli.

¹⁷ Kunangwa ga li mmwoyo gwa dada wange Daudi kwombakira lieta lya Yahova Nyasaye wa Israeli, inyumba.

¹⁸ Navutswa Yahova ya volera Daudi dada wange, Kigira ga veye mu mwoyo gugwo kwombakira lieta lyange, inyumba, wa kola bula hi ku liva lya li mu mwoyo gugwo:

¹⁹ navutswa ive si u la nyombakira inyumba mba; navutswa mwana wowo u li twula munda mumwo, uyu niye u lombakira lieta lyange, inyu mba.

²⁰ Na Yahova ya dinyeridza likuva lilye lya ya vola; kigira inze singiye ha bugono bwa dada wange Daudi, ma nzikaye ku intebe yobwa mi ya Israeli, kuli Yahova ya laga, na nyombakiye lieta lya Yahova, Nyasaye wa Israeli, inyumba yiyi.

²¹ Kandi nombi hange helisanduku, li veye mu namalago ga Yahova ya lagana na vaguga vetu, lwa ya va leta kutwula mu kivala kya Egepeti.

²² Na Solomoni ya singira imbiri wobwali bwa Yahova, imbiri weli vugana lyosi lya Israeli, na a nyira makono gege ku migulu;

²³ na a vola, O Yahova, Nyasaye wa Israeli, si ha veye na Nyasaye u fwanana nive mba, migulu igulu, kinga mu lirova hasi; u dinyeridzanga lilagana netsimbabasi ku avatumekiri vovo ava gendanga imbiri wowo nemyoyo gyavo gyosi;

²⁴ u dukidziye dada wange mutumekiri wowo Daudi aga wa mu laga: yee, wa vola nomunwa gugwo, nokugadukidza nomukono gugwo, kuli ga veye lero.

²⁵ Kuna ngwa kalunu, O Yahova, Nyasaye wa Israeli, u dukidzire mutumekiri wowo Daudi dada wange aga wa mu laga, lwa wa vola, Si u la gehera mundu musatsa mu tsimoni tsyange wokwi kala ku intebe yobwami ya Israeli avana vovo ni va va ni va linda inzira yavo, yaga geng'ine, kugenda imbiri wange kuli ive wa genda imbiri wange.

²⁶ Kunangwa kalunu, O Nyasaye wa Israeli, mwadza, likuva lilyo, lya wa volera dada wange mutumekiri wowo Daudi, li ve lya geligali.

²⁷ Navutswa ligali Nyasaye a la menya ku lirova? Henza, ligulu kinga ligulu lyomigulu si li ku duki; na sindi inyumba yiyi ya nyombaki

²⁸ Navutswa henzidza mmoni mumwo, u henze ku lisaala lyomutume kiri wowo, nelihomba lilye, O Yaho va Nyasaye wange, u hulire mwoyo gwelisaala lyomutumekiri wowo a saalanga imbiri wowo lero;

²⁹ tsimoni tsitsyo tsi duke kuva ku inyumba yiyi ubudiku nombasu, tsi yeke ha wa vola, Lieta lyange li la va ho; kuhulira lisaala lyomutumekiri wowo a saalanga, lyokuhenza ha zana.

³⁰ Na u hulire lisaala lyomutumekiri wowo, na lyavandu vovo Israeli lwa va saalanga lyokuhenza ha zana: yee, u hulire yaho migulu mbumenyo bubwo, na lwa u hulira, u samehe.

³¹ Mundu ni yona ku wakye, na lyesuha ni li vikwa kuye a duke kwesuhidza, naye ni yadza kwisuha imbiri wobwali bubwo mu inyumba yiyi;

³² u hulire migulu, u kole, na u kalage hagati ha vatumekiri vovo, ku li ha mageli uyu mudamano, nokuleta inzira yeye ku mutwe gwigwe mwene, nokuha uyu mulungi bulungi, kuli ubulungi bwibwe bu veye.

³³ Lwa avandu vovo Israeli va kuywa imbiri wa vasigu, kigira va koli ubwoni imbiri wowo; ni virana kandi ku ive, nokweyama lieta lilyo nokukusaala nokuhomba ku ive mu inyumba yiyi:

³⁴ ma u hulire migu lu, u samehe ubwoni bwavandu vovo Israeli, u virannye kandi vingire mu kivala kya wa ha vaguga vavo.

³⁵ Inyinga migulu mu bofwa, ha vule kuva nembula, kigira va koli ubwoni imbiri wowo; ni va saala kuhenza hano, nokweyama lieta lilyo, nokweganira kuleka ubwoni bwavo, inyinga u va dambidza:

³⁶ u hulire migulu, u samehe ubwoni bwava tumekiri vovo, nobwa vandu vovo Israeli, kigira u vegidzanga inzira indahi i va dukiranga kugenda mu; na u lete imbula ku kivala kikyo, kya wa ha avandu vovo ki ve miyandu gyavo.

³⁷ Inzala ni yingira mu kivala, kinga plegi, kinga kimeyi, kinga bu guku, kinga tsisiti, kinga tsinkungu; ni i va vasigu vavo va va kumbiridza mu madala gekivala kyavo; liduya ku gosi, nobulwaye ku bwosi, ubu duka kuva ho;

³⁸ lisaala ku lyosi kinga lihomba ku lyosi li kolwa nomundu ku vosi, kinga navandu vovo Israeli vosi, ava manya umundu sa mulala liduywa lyomwoyo gwigwe, na a nyira makono gege kuhenzidza ku inyumba yiyi:

³⁹ ma u hulire mi gulu ha bumenyo bubwo, u samehe, nokukola, nokutunga sa mulala kuli tsinzira tsitsye tsyosi, wa u manya mwoyo gwigwe; (kigira ni ive, ive weng'ine, u manyanga myoyo gya vandu vosi;)

⁴⁰ va duke kukutia madiku gosi ga va veye mwoyo mu kivala kya wa ha vaguga vetu.

⁴¹ Noku mugeni, u ta veye ku avandu vovo Israeli u duka kutwula mkivala kya ihale iigali kigira lieta lilyo

⁴² (kigira va la hulira gusuma gwelieta lilyo linene, nogwomukono gugwo gwetsingulu, nogwomukono gugwo gwa nyirwa); lwa yadza noku saala nelihenza ku inyumba yiyi;

⁴³ u hulire migulu hobumenyo bu bwo, nokukola kuli vyosi vya a ku saala, mugeni uyu, avandu velirova lyosi va duke kumanya lieta lilyo, kutia ive, kuli avandu vovo Israeli va ku tidzanga, kandi va manye inyumba yiyi ya nda kwombakira i langwa lieta lilyo kuyo.

⁴⁴ Avandu vovo ni va va ni va tsia kulwana ku vasigu vavo, ku inzira yosi ya u va hila ku, navo ni va saala ku Yahova nokuhenza ku lidala yili lya wa tovola, nokuhenza ku inyumba yiyi ya nombakeyi lieta lilyo;

⁴⁵ ma u hulire mwigulu lisaala lyavo nelihomba lyavo, u vere ubulungi bwavo.

⁴⁶ Ni iva yavo va ku kolera ubwoni, (kigira si ha veye nomundu wa vula kukola ubwoni), na ive u va vihirirwa, nokuvavika ku vasigu, ni va va lanya, nokutsia navo mu kivala kyavasigu yavo, kivala kye ihale kinga kya ahimbi;

⁴⁷ navutswa ni virana mu myoyo gyavo mkivala ha va hilwa, ni virana, nokuhomba ive mu kivala kya yavo ava va hila, ni va vola, Ligali kwa hyola, kwa kola ubukyamu, kwa kola ubudamano;

⁴⁸ ni virana ku ive nemyoyo gyavo gyosi na roho gyavo gyosi mu kivala kyavasigu vavo, ava va hila, nokusaala ive nelihenza ku kivala kyavo, kya wa ha avaguga vavo, noku lidala lya wa tovola, nenyumba ya nombakeyi lieta lilyo:

⁴⁹ u hulire lisaala lyavo nelihomba lyavo mwigulu ha bumenyo bubwo, nokuvera ubulungi bwavo,

⁵⁰ nokusameha avandu vovo ava ku koleye ubwoni, na makuva gosi agobutingu bwavo bwa va tinguha ive; na u va vere tsimbabasi imbiri wa yavo ava va hila, va duke kuvavera tsimbabasi

⁵¹ (kigira va veye avandu vovo, nemiyandu gyigyo, kya wa leta kutwula mu kivala kya Egepeti, kutwula hagati hekisambiru kyekivya);

⁵² tsimoni tsitsyo tsi duke kuva nobulavu kulola lihomba lyavatumekiri vovo, nelihomba lvavandu vovo Israeli, kuvahu lira lwa vanira ive.

⁵³ Kigira ive wa vahula nokuvatwulidza mu avandu vosi velirova, va ve miyandu gyigyo, kuli wa vola nomunwa gwa Musa mutumekiri wowo, lwa wa leta vaguga vetu kutwula mkivala kya Egepeti, O Yahova Nyasaye.

⁵⁴ Na ga duka, lwa Solomoni ya mala kusaala lisaala yili lyosi nelihomba Yahova, ya singira na a twu la imbiri wobwali bwa Yahova, ha ya sigama namakono gege ni ga nyirwa kuhenza migulu.

⁵⁵ Na ya singira, na a gasidza livugana lyosi lya Israeli nomwoyo munene, na a vola,

⁵⁶ Yahova a gasidzwe, u sosidzi avandu veve Israeli kuli aga ya laga gosi: si lya gwa hasi kali likuva lilala mu lilaga lilye lilahi, lya ya laga no mukono gwomutumekiri wewe Musa.

⁵⁷ Yahova Nyasaye wetu a ve halala na kwinye, kuli ya li halala navaguga vetu: a ta ku leka mba, kandi a ta ku syuva mba;

⁵⁸ a henzidze myoyo gyetu kuye, ku gende mu tsinzira tsitsye, nokugumira lilaga lilye, neli kalaga lilye, nemiima gyigye, gya ya laga avaguga vetu.

⁵⁹ Amakuva gange yaga aga mbombi imbiri wa Yahova, ga ve ahimbi na Yahova Nyasaye wetu mbasu nobudiku, a duke kuvera ubulungi bwomutu mekiri wewe, nobulungi bwavandu veve Israeli, kuli lyenya lyelidiku sa lilala li veye;

⁶⁰ avandu vosi velirova va duke kumanya Yahova a veye Nyasaye; si ha veye nowundi.

⁶¹ Kunapgwa myoyo gyenyu gyi ve midukanu ku Yahova Nyasaye wetu, kugenda mu malago gege, nokugumira lilagana lilye, kuli ga veye lero.

⁶² Na mwami, na Israeli vosi halala naye, va haana vihaanwa imbiri wa Yahova.

⁶³ Na Solomoni ya haana vihaanwa vyemirembe, vya ya haana ku Yahova, tsigiriki tsielfu makumi gaviri na tsiviri, na magondi tsielfu mia na makumi gaviri. Kunangwa mwami navana va Israeli vosi va takasa inyumba ya Yahova.

⁶⁴ Ku lidiku zana yili mwami ya takasa ubuhiru bwa li imbiri wenyu mba ya Yahova; kigira ha zana ha ya haana vihaanwa vyokusambwa, nevihaanwa vyobusie, na maguta gevihaanwa vyemirembe, kigira ubwali bwomugasa bwa li imbiri wa Yahova bwa li bukekeke si bwa duka kuvugula vihaanwa vyokusambwa, nevihaanwa vyobusie, na maguta gevihaanwa vyemirembe.

⁶⁵ Ma Solomoni ya lomba lilia inyinga yeyo, na Israeli vosi halala naye, livugana linene, kutwula hokwingira ha Hamathu kuduka ku mugera gwa Egepeti, imbiri wa Yahova Nyasaye wetu, madiku gatano na gaviri, na madiku gatano na gaviri, ga veye madiku likumi na gane.

⁶⁶ Noku lidiku li kola gatano na gavaka ya sendukidza vandu va tsie; navo va gasidza mwami, na va tsia mmahema gavo nobusangali nobuyanzi mu mwoyo gwavo kigira ubulahi bwosi bwa Yahova ya kolera mutumekiri wewe Daudi, na Israeli avandu veve.