1 Avami 7 - KITABU KITAKATIFU

¹ Na Solomoni ya li mu lyombaka inyumba yeye mwene mihiga likumi na gyivaka, na ya mala inyumba yeye yosi.

² Kigira yombaka inyumba yomulitu gwa Lebanon; ubutambi bwayo bwa li neligera lyamakono mia, nobugalamu bwayo ligera lyamakono makumi gatano, nobudiguluku bwayo ligera lyamakono makumi gavaka, ku tsimbaso tsine tsyetsitiru tsyemitaragwa, nemyaliru gyemitaragwa gyokutsitiru igulu.

³ Nayo ya kunikwa nemi taragwa igulu wemyaliru amakumi gane na gyitano, gyi veye igulu wetsi tiru; likumi na tsitano mu luvaso.

⁴ Na ga li ho madirisha mu tsimbaso tsivaka, lidirisha lya henzana ne lindi ku vikaa vivaka.

⁵ Nemiliango gyosi na maliva vya leng'ana: nelidirisha lya henzana nelindi ku vikaa vivaka.

⁶ Na ya lomba lusimbu lwevigutu; ubutambi bwa li neligera lyamakono makumi gatano, nobugalamu bwalwo ligera lyamakono makumi gavaka; nolusimbu lwa li mmugidzi gwalwo; na tsitiru nemya liru imbiri walwo.

⁷ Na ya lomba lusimbu lwentebe yobwami hokuka lagira, lwa li lusimbu lwelikalaga: na lwa kunikwa netsimbao tsyemitara gwa kutwula ku luvega kuduka ku lundi.

⁸ Nenyumba yeye ya a li menya mu, nobwiyangu bwundi bu veye mugati mwolusimbu, bwa li bwemiyinzi yigyi. Kandi yombakira mukana wa Farao inyumba (wa Solomoni ya kwa), ya leng'ana nolusimbu zana.

⁹ Tsinyumba yitsi tsyosi tsyomba kwa na magina gobuguli budinyu, aga vadzwa, kuli kigero, ga kalagwa nemi sameno, mugati nekyova, kutwula ku muse kuduka ku magina gokuhereridza igulu, noku luvega lwekyova ndiyo, kuduka ku mugidzi munene.

¹⁰ Na muse gwa li gwa magina agobuguli budinyu, amanene ligali, magina geligera lyamakono likumi, namagina geligera lyamakono gatano na gavaka.

¹¹ Na igulu kandi ga li amagina gobuguli budinyu, magina ga vadzwa, ku leng'ana neligera, nemisala gyomutaragwa.

¹² Na mu gidzi tsimbega tsyosi gwa li netsimbaso tsyamagina ga vadzwa a tsivaka, noluvaso lwemyaliru gyemitaragwa; kuli mugidzi gwomu inyumba ya Yahova, nolusimbu lwenyumba zana.

¹³ Na mwami Solomoni va tuma avandu kuleta Hiram kutwula Turo.

¹⁴ Hiram ya li mwana womukali mukunzakali wehiri ya Nafitali, na dada wewe ya li mundu wa Turo, mutuuli womugasa; widzula ubugeeri, nelimanya, nobusidza, kukola miyinzi gyosi gyi kolangwa ku mugasa. Na ya duka ku mwami Solomoni, na a mu lombera miyinzi gyigye gyosi.

¹⁵ Ya longa tsitiru tsiviri tsyomugasa, sa indala ya li nobutambi ligera lya makono likumi na gatano na gavalia: nomugoye gweligera lyamakono likumi na gaviri gwa kumbiridza itiru indala kinga yindi.

¹⁶ Na a lomba mitwe gyomugasa gwa salulwa, gyokuvikwa ku tsisonga igulu tsye tsitiru: ubutambi bwomutwe mulala bwa li neligera lyamakono gatano, nobutambi bwomutwe gundi bwa li neligera lyamakono gatano.

¹⁷ Na ga li ho amankilinya agemiyinzi gyelinava, neviyombe vyeminyolo, ku mitwe gya li ku tsisonga igulu wetsitiru; amankilinya gatano na gaviri ku mu twe mulala na amankilinya gatano na gaviri ku mutwe gundi.

¹⁸ Ma ya lomga tsitiru; natsyo tsya li netsi mbaso tsiviri kukumbiridza tsimbega tsyosi ku linava lilala, kukunika mitwe ku tsisonga tsyetsitiru: na ya kola ndiyo ku mutwe gundi.

¹⁹ Ne mitwe gya li ku tsisonga tsyegulu tsitiru mu lusimbu gya li ku lugano lwemiyinzi gyevimuli, ligera lyamako no gane.

²⁰ Kandi mitwe gyindi gya li ho igulu wetsitiru tsyombi, himbi nobuvimbu bwa li himbi nama nkilinya: na makomamanga ga li tsimia tsiviri mu luvaso kukumbiridza mutwe gundi

²¹ Na va singeridza tsitiru zana mu lusimbu lwelitempeli: ya singeridza itiru yoku mukono mulungi, va gi gulika lieta lyayo Jakin; kandi ya singeridza itiru yoku mu kono mmosi, ya gi gulika lieta lyayo Boaz.

²² Noku tsisonga tsyetsitiru kwa li neliloleka kuli vimuli: ni ndiyo miyinzi gyetsitiru gya fwa.

²³ Kandi ya lomba inyanza yomugasa gwa salulwa, ya li neligera lyamakono likumi kutwula ku luliga kuduka ku lundi, ya li kuli ingida, ubutambi bwayo bwokutwula hasi kuduka igulu bwa li neligera lyamakono gatano; nomugoye gweligera lya makumi gavaka gwa gi kumbiridza tsimbega tsyosi.

²⁴ Na isi woluligalwayo ku kumbiridza tsimbega tsyosi va li neli loleka lyobwamu, obwamu likumi mu ligera lyomukono mulala, kukumbi ridza inyanza tsimbega tsyosi: vimuli zana bwa li mu tsimbaso tsiviri, bwa lomberwa ligali halala nenyanza lwa ya lombwa.

²⁵ Ya singira ku vifwa nannyi vyetsing'ombe likumi na tsivivaka vya henza ku luvega lwa kasikasini, na vivaka vya henza ku luvega lwemadioli, na vivaka vya henza ku luvega lwa kusini, na vivaka vya henza ku luvega lwevugwe; nenyanza ya vikwa igulu wavyo, ne tsing'ombe zana tsyosi mikira gatsyo gya li ku luvega lwa mugati.

²⁶ Nekikova kyavo kya li kuli bugalamu bwekigalo; noluliga lwayo lwa lombwa kuli luliga lwekikombe, kuli kimuli kyelidanya: nayo ya dukana mu na madzi getsisiongo tsielfu tsitano na indala.

²⁷ Kandi ya lomba vyokuginga likumi vyomugasa; kilala kya li neligera lyamakono gane butambi bwakyo, neligera lyamakono gane bugalamu bwakyo, na budiguluku bwakyo ligero lyamakono gavaka.

²⁸ Lilombwa lyevyokuginga lya li ku lugano lu londekana hano: vya li nevyokwigalira; nevyokwigalira ha gati hobwongiru bwavyo;

²⁹ noku vyokwigalira vya li hagati hobwo ngiru vyavyo, hali nekifuananyi kyeking'ang'a, neng'ombe, na vake rubi; na igulu wobwongiru hali ho nobwikaliru; kandi isi u evifwananyi vyeking'ang'a neng'ombe hali neviyombe vyokwika hasi.

³⁰ Nevyo kuginga sa kilala kya li netsingida tsine tsyomugasa; na misunduliru gyomugasa; nevirenge vyakyo vine vya li nevyokusingeridzira: nevyokusingeridza vya salulirwa isi woludavo: nekyokusingeridza sa kilala kya li neviyombe mbalu mwakyo.

³¹ Nobugalamu bwomunwa bwakyo hagati hegudwa yakyo no muse mwakyo na igulu wakyo ya li neligera lyomukono mulala: nomunwa gwakyo gwa li mwekuyungu gu fwanana nobwikaliru, ligera lyomukono mulala nenusu; kandi mu munwa gwakyo ha li no bung'ole bwelivadzwa, nevyokwigalira yagwo vya li vilambiru si vya li vyekuyungu mba.

³² Ne tsingida tsine tsya li isi wevyokwigalira; nemisundulira gyetsingida gya li mu vyokuginga: nobunene bwetsingida bwa li ligera lyomukono mulala nenusu.

³³ Nenliyinzi gyetsingida gya li kuli miyinzi gyeligari lyobulwani: misunduIiru gyagyo netsi khoora tsyatsyo, nemihingiru gyatsyo gyokuhanga, nevidonye vya hagati, vyosi vya li vyemiyinzi gyomugasa musalulwa.

³⁴ Kandi vyokusinge ridza vine vya li ho mu tsikona tsine tsyekyokuginga sa kilala: vyokusingeridza vya li kindu kilala nekyokuginga kyene.

³⁵ Noku luvega lwe igulu wekyokuginga ya li ho ingida ubutambi bwayo bwa li bweligera lyenusu yomukono; ne igulu wekyokuginga vyokugumira vyakyo nevyokwigalira vyakyo vi veye miyinzi milala.

³⁶ Noku vibale vyokuhamba nnya vyakyo, nobwongiru bwakyo, ya vadza mu vifwanannyi vya vakerubi, nevyeving'ang'a, nevya makindu, kuli kibale sa kilala kya li nobwiyangu, navyo vya kumberidzwa tsimbega tsyosi neviyombe.

³⁷ Ya lomba vyokuginga likumi ku lugano lulala: na sa kilala kya lombwa nekindu kilala, neligera lilala nelifwana lilala.

³⁸ Na ya lomba tsinzero likumi tsyomugasa; lwero sa lulala lwa li lu duka amadzi getsisiongo makumi gatano na gavaka; lwero sa lulala lwa li neligera lyamakono gane; noku bwikaliru bwevyokuginga likumi, ha nolwero lulala.

³⁹ Na ya vika vyokuginga zana, mu inyumba vitano ku luvega lwomukono mulungi, na vitano ku luvega lwomukono mmosi: nenyanza ya gyi vika ku luvega lwomukono mulungi lwenyumba ku luvega lwevugwe, kuhenza kusini.

⁴⁰ Na Hiram ya lomba tsinzero nevivango, tsimbaagu. Ma Hiram ya mala miyinzi gyosi gya ya lombera mwami Solomoni mu inyumba ya Yahova:

⁴¹ tsitiru tsiviri, nevimuga viviri vya li ku tsisonga igulu tsitiru; na mangerinya gaviri, ga kunika vimuga vyoku tsisonga tsyetsitiru;

⁴² na makomamanga tsimia tsine aga mangirinya gaviri; tsimbaso tsiviri tsyamakomamanga tsya li ku mangi rinya sa lilala, kukunika vimuga viviri vyokutsisonga igulu wetsitiru

⁴³ nevyokuginga likumi, netsinzero likumi mu vyokuginga;

⁴⁴ nenya nza indala, netsing'ombe likumi na tsiviri tsya li isi wenyanza;

⁴⁵ netsimindi, nevivango, netsimbaagu: kuduka viju yivi vyosi, vya Hiram ya lombera mwami Solomoni, rnu inyumba ya Yahova, vyosi vya li vyomugasa gwasiiywa.

⁴⁶ Mwami ya vi salulira mu kivala kyekireremu kya Yordani, mu budohi bwobusandu bu veye hagati ha Sukothu na Zarethan.

⁴⁷ Na Solomoni ya vula kugera buliduhu bweviju vyosi, kigira vya li vinyingi ligali: buliduhu bwomugasa si bwa manyikana mba.

⁴⁸ Na Solomoni ya lomba nethahabu, viju vyosi vya li mu inyumba ya Yahova: ubwali bwethahabu, nemeza ya li nobukima bwokuma nyira;

⁴⁹ nevinara vyetsitaya, vi tano ku luvega lwomukono mulungi, na vitano ku luvega lwomukono mmosi, imbiri wa hatakatifu, vya li vyethahabu indahi; nevimuli, netsi taya, nevyokuvugulira, vyethahabu;

⁵⁰ nevikombe, nevyokulomba tsitaya, netsimbaagu, nevivango, nevyanzaliru, vya li vyethahabu indahi; nevyokugumira miliango gyenyumba vyo mugati na ya hatakatifu, nemi liango gyenyumba, i veye litempeli, vya li vyethahabu.

⁵¹ Ma miyinzi gyosi gyomwami Solomoni ya kola mu inyumba ya Yahova gya fwa. Na Solomoni ya vi leta na a vi vika mu vyosi vya Daudi dada wewe ya takasa, vindu vyefetha, nevyethahabu, neviju, ya vi vika mu inyumba ya akiba yenyumba ya Yahova.