1 Avami 6 - KITABU KITAKATIFU

¹ Na ga duka mu muhiga gu kola tsimia tsine na makumi gatano na gavaka inyima wa avana va Israeli va twula mkivala kya Egepeti, normlhiga gu kola gme gwelyameha lya Solomoni ku Israeli, ku mweli gwa Zivu, gu veye mweli gwa giviri, ya tanga kwombaka inyumba ya Yahova.

² Nenyumba yomwami Solomoni yombakira Yahova, ubutambi bwayo bwa li ligera lyamakono makumi gatano ne lilala, nobugalamu bwayo bwa li ligera lyamakono makumi gaviri, nobudiguluku bwayo bwa li ligera lyamakono makumi gavaka.

³ Nolusimbu lwomugidzi gwelitempeli lwenyumba, ubutambi bwalwo bwa li ligera lyamakono makumi gaviri lu leng'ana nobugala mu bwenyumba; nobugalamu bwolu simbu bwa li ligera lyamakono liku mi imbiri wenyumba.

⁴ Na ya lomba madirisha mu inyumba.

⁵ Kandi yombaka tsinyumba tsyegulu tsya hambana ku lidigi lyenyumba ku tsintulu, kuhambana na madigi ge nyumba hosi, amadigi gelitempeli na ga hatakatifu; na ya lomba tuyumba twomumbalu ku tsindulu.

⁶ Na tsinyumba tsya hasi tsya li nobuga lamu ligera lye mikono gyitano, na tsya hagati tsya li neligera lye mikono gyitano nelilala, na tsya kavaka tsya li neligera lye mikono gyitano na gyiviri, kigira ku inyumba tsimbega tsyosi kyova ya gehidza lidigi kukola miyaliro gyi vule kuhambana nelidigi.

⁷ Nenyumba, lwa ya li mu lyombakwa, yombakwa namagina aga mala kulomberwa ligali ha ga yava ngwa, lilangirira lyenyundu kinga imbadzi kinga ku viju vyosi vyekivya, si lya hulirwa mu inyumba inyinga ya yombakangwa.

⁸ Muliango gwokwingira mu tunyumba twommbalu twa hagati gwa li ku luvega lwomukono mulungi gwenyumba: na va nina ku viika vya vodonkana kuduka ku tuyumba twa hagati, nokutwula ku tuyumba twa hagati vingira mu twa kavaka.

⁹ Ni ndiyo yombaka inyumba, nokugimala; na ya gi vimba nemiyaliru netsimbao tsyomutaragwa.

¹⁰ Na yombaka tuyumba ku inyumba, sa kalala ubudigu luku bwako bwa li ligera lyamakono gatano: natwo twedira ku inyumba ku miyaliru gyomutaragwa.

¹¹ Na likuva lya Yahova lya duka ku Solomoni, ni li vola,

¹² Ku makuva genyumba yiyi ya wa nyo mbakira, nu u va nu u genda mmalago gange, nokukola likalaga lyange, nokugumira lyeganehidza lyange kuduka kugenda mu yago; hene yaho nda dinyeridza likuva lyange ku ive, lya nda volera Daudi dada wowo.

¹³ Na nda menya hagati ha avana va Israeli, na si nda leka avandu vange Israeli mba.

¹⁴ Ma Solomoni yombaka inyu mba, na a gi mala.

¹⁵ Na madigi genyumba mugati ya ga lomba netsimbao tsyomutaragwa: kutwula hasi henyumba kuduka ku lidigi igulu, ya ga kunika netsimbao tsi mbega tsyomugati; na ya kunika hasi mu inyumba netsimbao tsyomusala kuli yigu.

¹⁶ Na yombaka ku luvega lwentangu ligera lyamakono makumi gaviri netsimbao tsyamutaragwa ku twula hasi kuduka ku lidiga igulu: ni ndivo yombaka mugati, li ve lya ha takatifu ho butakatifu.

¹⁷ Nenyu mba, li veye kuvola, litempeli li veye imbiri wa hatakatifu, li veye butambi bweligera lyamakono makumi gane,

¹⁸ Na mugati mwenyumba mwa kunikwa netsimbao tsyomutaragwa, li loleka lyatsyo tsya vadzwa amakeno nevimuii vi mali kulavidza: gwa li mutaragwa mwere; amagina si ga lo leka mba hosi.

¹⁹ Na ya lomba hatakatiiu hagati mu inyumba, a du ke kuvika ho lisanduku lyelilagana lya Yahova.

²⁰ Mu hatakatifu ha li nobwiyangu, ubutambi bwayo bwa li ligera lyamakono makumi gaviri nobugalamu bwayo bwa li ligera lya makono makumi gaviri, nobudiguluku bwayo bwa li ligera lyamaliono makumi gaviri; na ya kunika ha zana nethahabu indahi ligali: nobwali ya bu kunika nemisala gyemitaragwa.

²¹ Ma Solomoni ya kunika inyumba rnugati nethahabu indahi: na ya vika minyoro gyethahabu kutwula ku luvega yilu kuduka ku yilu imbiri wa hatakatifu; na ya kunika hatakatifu nethahabu.

²² Na inyumba vosi ya gi kunika nethahabu, kuduka ya mala inyumba yosi: nobwali bwosi bwahatakatifu ya bu kunika nethahabu.

²³ Na ya lomba vakerubi vaviri avemisala gyemizeituni mugati mwa hatakatifu, sa mulala butambi bwavo bwa li ligera lyamakono likumi.

²⁴ Noluvaha lulala lwomukerubi lwa li neligera lyamakono gatano, noluvaha lundi lwa li neligera lyamakono gatano: nokutwula ku kiheri kyoluvaha lulala kuduka ku kiheri kyoluvaha lundi ubugalamu bwalwo bwa li neligera lyamakono likumi.

²⁵ Nomukerubi wa kaviri ya li neligera lyamakono likumi: vakerubi yavo vombi va li avaleng'ani na vafwanani.

²⁶ Ubutambi bwomu kerubi mulala bwa li neligera lyama kono likumi, nobwowundi ndiyo kandi.

²⁷ Na ya vika vakerubi mu inyumba yomugati; netsimbaha tsya vakerubi tsya nyirwa yiyi neyiyi, kuduka luvaha lwomulala lwa dira ku lidigi lilala, noluvaha lwomu kerubi wundi lwa dira ku lidigi lindi; tsimbaha tsyavo tsya dirana hagati henyumba.

²⁸ Na ya kunika vakerubi nethahabu.

²⁹ Ya ng'ola ku madigi gosi genyumba tsimbega tsyosi, tsyomugati nekyova, lifwanana lyamakerubi na lya makindu nelyevimuli vi mali kulavidza.

³⁰ Na hasi henyumba ya kunika nethahabu mugati ne kyova:

³¹ Na hokwingira mu hatakatifu ya lomba miliango gyomusala gwemizeituni: mukividiru na maliva gemi liango ga li kidieli kyevitano vyelidigi.

³² Ma ya lomba miliango gyiviri gye misala gyemizeituni; na ya ng'ola kugyo lifwana lyavakerubi, nelyamakindu nelyevimuli vi mali kulavidza, na ya vi kunika nethahabu; na ya vika ithahabu ku vakerubi, noku makindu.

³³ Na ya kola ndiyo ku maliva gemisala gyemizeituni gekili ango kyelitempeli, ku kidieli kya kane kyelidigi;

³⁴ nemiliango gyiviri gyemisala kuli yigyi; tsimbao tsiviri tsyo muliango yigo tsya lingwa, netsimbao tsiviri tsyomuliango gundi tsya leng'ana.

³⁵ Naye ya ng'ola kutsyo vifwananyi vyavakerubi na lyamakindu, nevyevimuli vi mali kulavidzana ya gyi kunika nethahabu ya hambanywa ku miyinzi gyomung'oli.

³⁶ Na yombaka lugaga lwetsinkangaga tsivaka tsyamagina ga vadzwa, nolukangaga lulala lwemyaliru gyomtaragwa.

³⁷ Umuse yigu gwenyumba ya Yahova gwa temwa ku muhiga gwegine, ku mweli gwa Zivu.

³⁸ Noku muhiga gwelikumi na mulala, ku mweli gwa Bulu, gu veye mweli gwegyitano na gyivaka, inyumba ya malilidzwa tsimbega tsyayo tsyosi, ku leng'ana nelifwana lyayo lyosi. Ni ndiyo ya li mihiga gyitano na gyiviri mu lyombakawa.