1 Avami 21 - KITABU KITAKATIFU

¹ Inyima wevindu yivi, ga duka, Nabothu Mujezireeli ya li nekizabibu, kya li mu Jezireeli, himbi ne nyumba yobwami ya Ahabu mwami wa Samaria.

² Ahabu ya volera Nabothu, na a vola, Mbe kizabibu, nduke kuva nagwo gu ve nmulimi gwetsingutsa, kigira gu ve himbi ne nyumba yange; na nda ku ha mulimi gundi mulahi kuvita yigu: kinga ni bu va ni bu veye bulahi ku ive, nda ku ha ubuguli bwagwo bwefetha.

³ Na Nabothu ya volera Ahabu, Yahova a ngaye, mbule kuha ive miyandu gya nda nyola ku vaguga vange.

⁴ Ma Ahabu yingira mu inyumba yeve nomwoyo mudinyu, gwobutima, kigira likuva lya Nabothu Mujezireeli va mu volera; kigira ya li na a voye, Si nda ha ive miyandu gya nda nyola ku vaguga vange mba. Na yetuuia ku kitali kikye, na a giru nkanya mmoni mwimwe, na a sula kulia vyokulia.

⁵ Navutswa Jezebeli mukali wewe ya tsia kuye, na a mteva, Kigira ki mwoyo gugwo gu vereye ndi, kuduka u vuli kulia?

⁶ Naye ya mu volera Kigira mbolerani na Nabothu Muje zereeli, ni mu volera, Mbe kizabibu kikyo ku gulane ifetha; kinga nu u yanza, nda ku ha kizabibu kindi: naye ya tivula, Si nda ku ha kizabibu kyange mba.

⁷ Jezebeli mukali wewe ya mu volera, Ive wameha kalunu ubwami bwa Israeli, naho? Vuka u lie vyokulia, nomwoyo gugwo gu sangale: inze nda ku ha kizabibu kya Nabothu Mujezereeli.

⁸ Ma ya ng'oda tsibaruwa ku lieta lya Ahabu, na a vika ku muhuri nomuhuri gwigwe, na a hila tsibaruwa zana ku vakulundu, noku avanene va li mu lidala lilye, ava menya halala na Nabothu.

⁹ Na ya ng'oda mu tsi baruwa zana makuva yaga, na a vola Mu landidze lihonga liiia, na mu nene hidze Nabothu hagati ha avandu:

¹⁰ na mu singeridze vaviri, avana va Beliali, imbiri wewe, va lolekidze kuye, va vole, Ive wa nyega Nyasaye nomwami halala. Hene yaho mu mu hile kyova nokumulasa magina, a duke kukudza.

¹¹ Na avandu velidala lilye, avakulundu navanene va li mu lidala lilye, va kola kuli Jezebeli ya va laga, kuli ga ng'odwa mu tsibaruwa tsya ya va letera.

¹² Va landidza lihonga lilia, nokunenehidza Nabothu hagati ha avandu.

¹³ Navandu vaviri, avana va yingu, vingira na vikala imbiri wewe: ma avandu va yingu va lolekidza kuye, ku Nabothu imbiri wavandu, ni va vola, Nabothu ya nyega Nyasaye nomwami. Hene yaho va mu hila kyova welidala, nokumulasa magina na a kudza.

¹⁴ Hene yaho va hila makuva ku Jezebeli, ni va vola, Nabothu u mali ku laswa magina, na u kudzi.

¹⁵ Na ga duka, Jezebeli lwa ya hulira Nabothu u laseywi magina, na u kudzi, Jezebeli ya volera Ahabu, Singira kalunu u gumire kizabibu kya Nabothu Mujezereeli, kya ya sula kukugulidza ifetha; kigira Nabothu si a veye ho mwoyo mba, navutswa u mali kukudza.

¹⁶ Na ga duka, lwa Ahabu ya hulira Nabothu u mali kukudza, hene yaho Ahabu ya vuka kusulunguta ku mulimi gwa Nabothu Mujezereeli, a gu gumire.

¹⁷ Likuva lya Yahova lya duka ku Elija Mutishibi, ni li mu volera,

¹⁸ Singira, u sulungute kuvugana na Ahabu, mwami wa Israeli, u menya nga mu Samaria: henza, a veye mu kizabibu kya Nabothu, na u sulunguti yo kugugumira.

¹⁹ Na u la mu volera makuva yaga, kuvola, Yahova a vola ndi, Wiiti, na u gumiye kandi? Na u la mu volera, Yahova a vola ndi, Ha tsimbwa tsya kombera amasahi ga Nabothu tsi la kombera ho kandi masahi gogo, ligali agogo.

²⁰ Ahabu ya volera Elija, U nyoye, O musigu wange? Naye ya tivula, Yee, mali kukunyola, kigira wa gulidza mwoyo gugwo kukola ubu damano imbiri wa Yahova.

²¹ Henza, nda leta ubudamano ku ive na nda ku dividza ligali, na nda twulidza ku Ahabu avana vayai vosi, uyu wa bofwa na u veye nobwiyangu mu Israeli:

²² na nda kola inyumba yoyo i leng'ane nenyumba ya Jeroboam mwana wa Nebati, kandi i leng'ane nenyumba ya Baasha, mwana wa Ahija, kigira kivihiri kikyo kya wa mbihiriridza nakyo, na u mali kugotidza Israeli.

²³ Kandi Yahova ya vola ku Jezebeli, na a vola, Tsimbwa tsi la liira Jezebeli ha lidigi lya Jezireeli.

²⁴ Uyu wa Ahabu u kudzira mu lidala tsimbwa tsi la mu lia; na uyu u kudzira kyova manyonyi gombwerefu ga la mu lia.

²⁵ (Navutswa si ha li nowundi u leng'ane na Ahabu, wa gulidza mwoyo gwigwe a kole ubudamano imbiri wa Yahova, womukali wewe Jezebeli ya tsuva.

²⁶ Na ya kola agokuvihiriridza ku lilonda vifwanannyi, kuli vindu vyosi vya Vaamori va kola, ava Yahova ya kunga va twule imbiri wavana va Israeli.)

²⁷ Na ga duka, lwa Ahabu ya hulira makuva yaga, hene yaho ya tandula tsingubo tsitsye, ni yivika ingubo yeligunia ku mubiri gwigwe, na a honga lilia, nokugona ku ma gunia, nokugenda galaha.

²⁸ Na likuva lya Yahova lya duka ku Elija Mutishibi, ni li vola,

²⁹ U lolanga Ahabu kuli yegehidzanga imbiri wa nge? Kigira yegehidzanga ndi imbiri wange, si nda leta ubudamano mu madiku gege mba; navutswa mmadiku gomwana wewe nda leta ubudamano yibu ku inyumba yeye.