1 Avami 13 - KITABU KITAKATIFU

¹ Na, henza, mundu wa Nyasaye yadza kutwula Buyuda ku likuva lya Yahova kuduka Betheli: na Jeroboam ya li na a singiye ahimbi ku bwali kuvuyidza vimuli.

² Naye ya hanzuka ku bwali nelikuva lya Yahova, na a vola, O bwali, bwali, Yahova a vola yaga: Henza, mwana a livulwa mu inyumba ya Daudi, a la gulikwa lieta lilye Josia; naye a Ia haana ku ive avasalisi ava ha diguluku ava vuyidzanga vimuli ku ive, nevigumba vya avandu a la vi sambira ku ive.

³ Naye ya va ha kilolekidzu lidiku zana, na a vola, Yiki ki veye kilolekidzu kya Yahova ya vola: Henza, ubwali bu ladika, neligoke li veye kubwo li la sunduka.

⁴ Na ga duka, lwa mwami ya hulira livola lyomundu wa Nyasaye, lya ya vola ku bwali ha Betheli, Jeroboam ya nyira mukono gwigwe ku bwali, na a vola, Mu mu gumire. Mukono gwigwe gwa ya nyira, gwumuluka, si a nyala kugukunnya.

⁵ Na ubwali bwadika, neligoke lya sunduka ku twula ku bwali, kuli kilolekidzu kyomundu wa Nyasaye ya va ha, ku livola lya Yahova.

⁶ Na mwami ya tivula na a volera mundu wa Nyasaye, Kalunu u goonye Yahova Nyasaye wowo, u saalire inze, nduke kwiranyirwa mukono gwange kandi. Na mundu wa Nyasaye ya goonya Yahova, na mukono gwomwami gwi ranywa kandi, ni gu va kuli gwa li ku matsyambiri.

⁷ Na mwami ya vo lera mundu wa Nyasaye, Hamba mu inyumba yange, u sose, na nda ku ha amadanyi.

⁸ Na mundu wa Nyasaye ya volera mwami, Kali nu u va nu u ha inze inusu yenyumba yoyo, inze si ndingira halala ni se mba, kandi si nda lia kyokulia kinga kunwa madzi hano mba;

⁹ kigira ni ndiyo nda lagwa ku likuva lya Yahova, kuvola, U ta lia kyokulia kali kilala, kinga kunwa madzi, kinga kwiranira ku inzira ya wa tsiraku.

¹⁰ Ma ya tsia ku inzira yindi, si yiranira ku inzira ya ya tsira ku Betheli mba.

¹¹ Kunangwa ya li ho muprofeti mulala musakulu wa menya Beth eli; na mulala ku avana veve ya tsia ku mu volera makuva gevikolwa vyosi vyomundu wa Nyasaye ya kola ha Betheli lidiku yilyo: namakuva ga ya volera mwami, ya volera dada wavo kandi.

¹² Na dada wavo ya va teva, A tsiriye ku inzira ki? Navana veve va li ni va mali kulola inzira yomundu wa Nyasaye ya tsira ku, wa twula Buyuda.

¹³ Ya volera avana veve, Mu nombere isukiri. Va mu lombera isukiri, na a nina ku.

¹⁴ Naye ya londerera mundu wa Nyasaye, na ya mu nyola ni yikaye isi womusala; na a mu teva, Ive niye mundu wa Nyasaye wa twula Buyuda? Ya vola, Yee, ninze.

¹⁵ Ma ya mu volera, Hamba mu inyumba yange, u lagire.

¹⁶ Na ya vola, Inze si mbeye nomunwa kwirana halala nive, kinga kwingira halala nive, kandi si nda lia kyokulia, kinga kunwa madzi halala nive hano mba:

¹⁷ kigira likuva lya Yahova ya mbo lera, U ta lia kyokulia kinga kunwa vo madzi mba, kandi u tiranira ku inzira ya wa tsira kumba.

¹⁸ Na ye ya mu volera, Inze kandi mbeye muprofeti kuli ive; nengelosi ya mbo lera ku likuva lya Yahova, na a vola, U mwiranye halala nive mu inyumba yoyo, a duke kulagira nokunwa madzi. Navutswa ya mu volera bubehi.

¹⁹ Ma yirana halala naye, na a lagira mu inyumba yeye, nokunwa madzi.

²⁰ Na ga duka, lwa vikala ku ime za, likuva lya Yahova lya duka ku muprofeti wa mwirannya;

²¹ naye yanira umundu wa Nyasaye wa twula Buyuda, na a vola, Yahova a vola ndi, Kigira ive wambakani munwa gwa Yahova, na u vuli kugumira lilaga lya Yahova Nyasaye wowo ya ku laga,

²² navutswa wirani, na u mali kulagira ubukima nokunwa madzi ha ya ku volera, U ta lagira ubukima, kandi u ta nwa madzi hano mba; mubiri gugwo gu la vula kuduka mu kilindwa kyavaguga vovo.

²³ Na ga duka, lwa ya mala kulagira ubukima, nokunwa amadzi, nonoho ya mu lombera isukiri, ga vola, uyu muprofeti wa yiranya.

²⁴ Na lwa ya mala kutsia, king'ang'a kya vugana naye ku inzira, ni ki mwiita; nomubiri gwa tebwa ku inzira, nesukiri ya singira himbi nagwo; ne king'ang'a zana kya singira himbi nomubiri.

²⁵ Na, henza, avandu ava vita, ni va lola mubiri gu tebeywi ku inzira, neking'ang'a ki singiye himbi nomubiri; ni vadza ni va vola mu lidala ho muprofeti musakulu a menyi.

²⁶ Na lwa muprofeti wa mwiranyira ku inzira ya hulira, ya vola, A veye mundu wa Nyasaye, wa vula kuhulira munwa gwa Yahova: kuna ngwa Yahova u mbiki ku king'ang'a, kya mu tandula, nokumwiita, kuli likuva lya Yahova, ya mu volera.

²⁷ Na ya volera avana veve, na a vola, Mu nombere isukiri. Va mu lombera.

²⁸ Na ya tsia na a lola mubiri, gu tebeywi ku inzira, nesukiri neking'ang'a vi singiye himbi nomu biri: neking'ang'a kya li ni ki kikiri kulia mubiri, kinga kutandula isukiri.

²⁹ Nomuprofeti ya vugula mubiri gwomundu wa Nyasaye, na a gu vika ku isukiri, na a gwirannya; na ya du ka mu lidala lyomuprofeti musakulu, kusyoma, nokumuta.

³⁰ Na ya ta mubiri mu kilindwa kikve mwene: na va mu syomera, ni va vola, O amwavo wange

³¹ Na ga duka, inyima wokumuta, ya volera avana veve, na a vola, Lwa ndi kudza, mu la nte mu kilindwa kya a tebwa mu mundu wa Nyasaye uyu; mu te vi gumba vyange himbi nevigumba vivye.

³² Kigira livola lya ya hanzuka ni likuva lya Yahova ku bwali ha Betheli, noku tsinyumba tsyosi tsva hadiguluku tsi veye mmadala ga Samaria, ligali li la duka.

³³ Inyima wa inkuva yiyi Jeroboam ya vula kwirana kuleka inzira yeye indamano, navutswa ya lomba kandi avasalisi va hadiguluku, mu avandu vosi: ku vosi wenya, ya mu kola musalisi, na ya li ku vasalisi wa hadiguluku.

³⁴ Inkuva yiyi ya duka kuva bwoni ku inyumba ya Jeroboam, kuduka ya kalagwa nokudividzwa i twule mmoni mwelirova.