1 Avami 10 - KITABU KITAKATIFU

¹ Na lwa mwami wekikali wa Sheba ya hulira loyali lwelidzominywa lya Solomoni kigira lieta lya Yahova, mwene yadza kumugeridza na mateva madinyu.

² Ya duka Yerusalemi noluvaso lunene, tsing'amia tsya ginga viseve vyevifunyanga mwayu, nethahabu inyingi ligali, na magina gobugali budinyu; na lwa ya duka ku Solomoni, ya volerana naye gosi ku aga ya li nago mu mwoyo gwigwe.

³ Na Solomoni ya mu tivulira amateva gege gosi: si ha li nekindu kyavisika ku mwami kali kilala kya ya vula kumuvolera.

⁴ Na lwa mwami wekikali wa Sheba ya lola ubugeeri bwosi bwa Solomoni, nenyumba ya yombaka,

⁵ nevyokuiia vyoku meza yeye, nobugono bwavatumekiri veve, nobulindi bwavo bwa va mu lindanga, nelyevika lyavo, na vanwehidzi veve, na hokwanegira hehe ha yanegiriranga kutsia mu inyumba ya Yahova; mwoyo gwigwe gwa hangalala.

⁶ Naye ya volera mwami, Ga veye amakuva geligali aga nda hulilira mu kivala kyange agevikolwa vivyo, nobugeeri bubwo.

⁷ Navutswa si nda suuvira makuva zana, kuduka lwa mwene nda duka, netsimoni tsyange kulola: na si nda volerwa kali inusu; ubugeeri bubwo neligasidzwa lilyo li viti ligali makuva ga nda hulira.

⁸ Va veye nobugasu avandu vovo, va veye nobugasu vatumekiri vovo, ava singiranga imbiri wowo kazozo, nokuhulira ubu geeri bubwo.

⁹ A gasidzwe Yahova Nyasaye wowo, wa ku yanza, na ya ku vika ku intebe yobwami ya Israeli: kigira Yahova ya yanza Israeli kazozo, kigira yaga ya kola ive u ve mwami, kukola likalaga nobulungi.

¹⁰ Naye ya ha mwami tsitalenta mia namakumi gaviri tsyethahabu, neviseve vyevifunyanga mwayu vinyingi ligali na magina gobuguli budinyu: vya vula kuletwa kandi ubunyingi bwe vifunyanga mwayu ku lugano yilwo kuli ku vyo mwami wekikali wa Sheba ya ha mwami Solomoni.

¹¹ Kandi amato ga Hiram, aga letanga ithahabu kutwula mu kivala kya Ofiru, ga leta kutwula Ofiru mi sala gyomusandali minyingi, na magina gobuguli budinyu.

¹² Mwami ya lomba tsitiru tsyenyumba ya Yahova tsyemisala gyemisandali, netsitiru tsyenyumba yomwami, nobukana na madienyi ga yavo avimbanga: si gya letwa kandi misala gyemisandali ku lugano yilwo, kandi si gya loleka ku lugano lwagyo kuduka lero.

¹³ Mwami Solomoni ya ha mwami wa Sheba ku vyosi kya ya kayirwa, noku vyosi kya yenya, bugira yivyo vya ya mu ha nobuhaani bwibwe bwobwami. Na yirana na a tsia mu kivala kikye, na vatumekiri veve.

¹⁴ Buliduhu bwethahabu ya duka ku Solomoni mmuhiga mulala bwa li tsitalenta tsyethahabu tsimia tsitano na indala na makumi gatano na lilala netsisuvi tsitano na indala,

¹⁵ bugira yeyo yavagulidzani va leta, na yelikiranya ya vakiranyi, ne ya avami vosi Avarabia, na avagovernor vekivala.

¹⁶ Mwami Solomoni ya lomba tsikuti tsimia tsiviri tsyetha habu tsyokutulwa, ikuti si indala ya li netsishekeli tsimia tsitano na indala tsyethahabu.

¹⁷ Na ya lomba tsi ngavo tsimia tsivaka tsyethahabu tsyokutulwa; ingavo se indala ya li netsiratili tsivaka tsyethahabu: no mwami ya tsi vika mu inyumba yomulitu gwa Lebanon.

¹⁸ Kuvita yaga mwami ya lomba intebe yobwa mi inene ya amino genzogu, na ya gi kunika ithahabu indahi.

¹⁹ Inte be yobwami zana ya li nevikaa vitano na kilala, na igulu wentebe yobwami ya li inzikuyungu imugongo; ya li namakono yiyi neyiyi ku nyasi kwahokwikala, nevifwananyi vyeving'ang'a viviri vya singira ku nyasi kwa makono.

²⁰ Na ving'ang'a li kumi na viviri vya singira ha zana ku luvega yilu noku luvega yilu ku vikaa vitano na kilala: si ya lombwa ku lugano yilu mu bwami bwosi.

²¹ Neviju vyosi vya Solomoni ya nwera ku vya li vyethahabu inzere, neviju vyosi vyenyumba yomulitu ya Lebanon vya li vyethahabu inzere: si vya li vyefetha kali kilala; ifetha si ya loleka kuva kindu mmadiku ga Solomoni mba.

²² Kigira mwami uyu ya li namato ga Tarishishi mu inyanza, halala namato ga Hiram: inyinga indala ku mihiga gyivaka amato ga Tarishishi gadza, ni ga leta ithahabu, nefetha namino genzogu, na tsinyama ku lugano lwetsingugi, (ku lugano lwetsingoko tsyamabaha malahi).

²³ Na mwami Solomoni ya vita avami velirova vosi nobutugi nobu geeri.

²⁴ Na velirova vosi venya mmoni mwa Solomoni, va duke kuhulira ubugeeri bwibwe, bwa Nyasaye ya vika mu mwoyo gwigwe.

²⁵ Navo va leta vihaanwa sa mulala, viju vyefetha, neviju vyethahabu, netsingubo, nevyuma vyelihe, neviseveve vyevifunyanga mwayu, netsiparasi, netsinyumbu, visolola muhiga nomu higa.

²⁶ Na Solomoni ya vungidza magari gelihe navasikari avokunina ku tsiparasi: na ya li namagari elfu indala ne tsimia tsine na vasikari vokunina ku tsiparasi tsielfu likumi na tsiviri, ava ya vika mu madala gamagari, na halala nomwami mu Yerusalemi.

²⁷ Mwami ya lomba ifetha mu Yerusalemi ni i gwa kuli magina, nemitaragwa ya gi kola kuli mikuyu gya li mu kivala kyereremu minyingi.

²⁸ Netsiparasi tsya Solo moni ya li natsyo tsya letwa kutwula Egepeti: navandu vomwami avakiranyi veve va vugula vyayo, sa kilala ku buguli bwakyo.

²⁹ Neligari sa lilala lya letwa kutwula Egepeti ku tsishekeli tsimia tsitano na indala, neparasi indala ku tsishekeli mia na makumi gatano; navami vosi va Vahiti, navami va Siria, va leterwa ndiyo, kutwula yo na makono gavo.