Mga Salmo 8 - Samarenyo Meaning-Based Bible (1984)

An Kaharangdon han Dyos ngan an Dignidad han Tawo

¹ O Ginoo nga Ginoo namon, kinikita ha tuna an imo kaharangdon! An pagdayaw ha imo naabot ha kalangitan;

² ginkakanta han kabataan ug minasus-an. Ha mga kaaway, waray nimo kahadlok, kakulba; pinakikiawayan mo adton ha imo nakontra.

³ Kon nakita ako han ginhimo mo nga kalangitan, han bulan ug han bitoon ha ira hinmumutangan—

⁴ ano ngani an tawo nga imo hinunumduman? tawo man la hiya, nga imo nababarak-an?

⁵ Ginhimo ubos ha imo kundi imo hiya ginpudong-pudongan, han kaudganan han pagkaharangdon ug pagkadungganan.

⁶ Gintudlok mo hiya nga hadi han binuhat ngatanan; ginbutang mo hiya labaw han ngatanan nga mga butang:

⁷ han mga karnero, kabakahan ug ihalas nga kamanampan,

⁸ han katamsihan, kaisdaan ug an mga buhat ha kadagatan.

⁹ O Ginoo nga Ginoo namon, kinikita ha tuna an imo kaharangdon!