Mga Salmo 61 - Samarenyo Meaning-Based Bible (1984)

Pag-ampo hin Panalipod

¹ Pamatii an akon pagtangis, O Dyos ko, dungga an akon pag-ampo.

² Dida ha pagturaw ug tikang ha hirayo, nasangpit ug natawag ako ha imo. Dad-a ako ngadto han bato nga arayaban,

³ kay ikaw man an akon sinasarigan; ha akon mga kaaway makusog nga darangpan.

⁴ Paukya ako didto han imo arampoan, ha ubos han imo mga pako, mawaray ko kahadlokan.

⁵ O Dyos, an akon mga saad imo pinamatian, kanan natahod ha imo, imo ako tinagan.

⁶ Tagi pa hin damo nga mga tuig an hadi, humilawig unta an iya kinabuhi!

⁷ Maghadi unta hiya, O Dyos, ha imo atubangan, han imo gugma, imo unta hiya panalipdan.

⁸ Kanunay magkakanta ako ha imo hin pagdayaw, ha paghalad han akon iginsaad adlaw-adlaw.