Esdras 8 - Samarenyo Meaning-Based Bible (1984)

Ini an Binmalik tikang han Pagkabihag

¹ Amo ini an lista han mga puno han mga banay nga ginhalin ngadto ha Babilonia ngan binmalik ha Jerusalem upod kan Esdras han hadi pa hi Artajerjes:

^2-14 hi Gerson, han banay ni Pinehas hi Daniel, han banay ni Itamar hi Hatus, nga anak ni Secanias, han banay ni David hi Zacarias, han banay ni Paros, upod in 150 ka tawo nga sakop han iya banay (may-ada mga sinurat bahin han katulinan han ira panimalay) hi Elioenai nga anak ni Zeraias, han banay ni Pahatmoab, upod in 200 ka tawo hi Secanias nga anak ni Jahasiel, han banay ni Satu, upod in 300 ka tawo hi Ebed nga anak ni Jonatan, han banay ni Adin, upod in 50 ka tawo hi Isaias nga anak ni Atalia, han banay ni Elam, upod in 70 ka tawo hi Sebadias nga anak ni Miguel, han banay ni Sefatias, upod in 80 ka tawo hi Obadias nga anak ni Jehiel, han banay ni Joab, upod in 218 ka tawo hi Selomit nga anak ni Josefias, han banay ni Bani, upod in 160 ka tawo hi Zacarias nga anak ni Bebai, han banay ni Bebai, upod in 28 ka tawo hi Johanan nga anak ni Hacatan, han banay ni Asgad, upod in 110 ka tawo hi Elifelet, Jeuel, ug Semaias, han banay ni Adonicam, upod in 60 ka tawo (hira an naorhe hin pag-uli) hi Utai ug Zacur, han banay ni Bigvai, upod in 70 ka tawo.

Nakaagi hi Esdras hin mga Levita para han Templo

¹⁵ Gintirok ko hira ngatanan ha ligid han salog nga tipakadto ha bungto han Ahava, ngan nagkampo kami didto hin tulo ka adlaw. Hinsabotan ko nga may-ada kapadian an hugpo, kundi waray mga Levita.

¹⁶ Ginpasugoan ko in siyam nga mga pangulo: hira Eliezer, Ariel, Semaias, Elnatan, Jarib, Elnatan, Natan, Zacarias, ug Mosulam, ngan hin duha nga mga magturutdo: hira Joiarib ug Elnatan.

¹⁷ Ginpakadto ko hira kan Edo nga puno han katig-oban ha Casfia hin paghangyo ha iya ngan han iya mga kauropod nga mga magtratrabaho han Templo, nga padad-an kami hin mga tawo nga magaalagad ha Templo han Dyos.

¹⁸ Pinaagi han kalooy han Dyos, ginpadara nira ha amon hi Sarabias, tawo nga may katakos, usa nga Levita han banay ni Mali; inmupod ha iya in 18 han iya mga anak nga kalalaken-an ngan kabugtoan nga kalalaken-an.

¹⁹ Ginpadara liwat nira hira Hasabias ug Isaias han banay ni Merari, upod in 20 han ira kauropdan.

²⁰ Labot hini, may-ada 220 nga mga magtratrabaho han Templo, kanay mga ginikanan gintudlok ni Hadi David ngan han iya mga opisyal hin pagbulig han mga Levita. Iginlista an ngatanan nira nga mga ngaran.

Nagsugo hi Esdras hin Pagpuasa ngan Pag-ampo

²¹ Didto ha ligid han Salog Ahava nagsugo ako nga magpuasa kami ngatanan basi magpaubos kami ha atubangan han amon Dyos, ngan maghangyo kami ha iya nga iya kami mandoan ha amon paglalaktan ngan panalipdan kami, an amon mga anak, ngan an ngatanan namon nga mga hiagi.

²² Naawod ako hin paghangyo han emperador nga tagan kami hin dikabayo nga mga sondalo nga magbabantay ha amon ha mga kaaway dida ha paglalaktan, kay ginsumatan ko hiya nga nabendisyon an amon Dyos han ngatanan nga nasarig ha iya, kundi nasisina ngan nakastigo hiya han bisan hin-o nga nasalikway ha iya.

²³ Sanglit nagpuasa ngan nag-ampo kami nga panalipdan kami han Dyos, ngan pinamatian niya an amon mga pag-ampo.

Iginhatag an mga Garamiton ha Templo

²⁴ Tikang han mga namumuno nga kapadian, ginpili ko hira Sarabias, Hasabias, ngan hin napulo pa nga kapadian.

²⁵ Katapos, gintimbang ko an salapi, an bulawan, ngan an mga garamiton nga iginhatag han emperador, han iya mga magsaragdon ngan mga opisyal, ngan han mga tawo han Israel basi gamiton didto ha Templo, ngan iginhatag ini ngadto han kapadian.

^26-27 Amo ini an akon iginhatag ha ira: salapi-25,000 ka kilo 100 nga salapi nga mga garamiton-70 ka kilo bulawan-3,300 ka kilo 20 nga bulawan nga mga makaong-8 ka kilo 2 nga magtahom nga bronse nga mga makaong nga sugad ka mahal hin bulawan nga mga makaong.

²⁸ Ginsiring ko hira, “Iginhalad kamo para ha Ginoo nga Dyos han iyo kaapoy-apoyan, ngan sugad man an ngatanan nga salapi ug bulawan nga mga garamiton nga gindara ngadto han Ginoo hin kinasingkasing nga paghalad.

²⁹ Bantayi ini hin maupay ngada han pag-abot niyo ha Templo. Didto ha mga kwarto han kapadian timbanga ini nga iyo dara ngan itubyan ha mga pangulo han kapadian ngan han mga Levita, ngan ha mga pangulo han mga tawo han Israel ha Jerusalem.”

³⁰ Sanglit ginmangnoan han kapadian ngan han mga Levita an salapi, an bulawan, ngan an mga garamiton, basi dad-on ini ngadto han Templo ha Jerusalem.

Binmalik ngadto ha Jerusalem

³¹ Ika-12 adto nga adlaw han syahan nga bulan nga bumaya kami han Salog Ahava ngan kinmadto kami ha Jerusalem. Kaupod namon an Ginoo ngan pinanalipdan kami niya han mga pagsulong hin kaaway ngan hin paggama dida han amon paglakaton.

³² Han pag-abot namon ha Jerusalem, pinmahuway kami hin tulo ka adlaw.

³³ Kahuman ha ikaupat ka adlaw nasingadto kami ha Templo, gintimbang namon an salapi, an bulawan, ngan an mga garamiton, ngan igintubyan ini ngatanan ngadto kan Meremot nga padi, nga anak ni Urias. Kaupod niya hira Eleazar nga anak ni Pinehas, ngan hin duha nga mga Levita: hira Jozabad nga anak ni Josue, ngan hi Noadias nga anak ni Binui.

³⁴ Gin-ihap ngan gintimbang an ngatanan, ngan ginlista gud an timbang han ngatanan.

³⁵ Naghalad hin mga unong nga tinubod ngadto han Dyos han Israel an ngatanan nga binmalik tikang han paghalina ha ira. Naghalad hira hin 12 nga mga tudo nga baka para han bug-os nga Israel, 96 nga mga karnero nga lalaki, ngan 77 nga mga nati nga karnero; naghalad liwat hira hin 12 nga mga kanding basi malinisan hira han ira mga sala. Gintubod ini ngatanan nga mga mananap nga halad ngadto han Ginoo.

³⁶ Kinuha liwat nira an dokumento nga iginhatag ha ira han emperador ngan iginhatag ini ha mga gobernador ngan mga opisyal han Katundan han Eufrates nga Lalawigan, nga binmulig han mga tawo ngan han pagsingba ha Templo.