1 Cronicas 9 - Samarenyo Meaning-Based Bible (1984)

An mga Tawo nga Inmoli Tikang han Kahalin

¹ An ngatanan nga mga tawo han Israel nahilista sumala han banay nga ira nasasakopan ug nahisurat ini dida han Basahan han Kahadian han Israel. An mga tawo han Juda ginhalin ngadto ha Babilonia kay sirot ini ha ira tungod han ira pakasala.

² An una nga inmoli ngadto han ira puroy-anan ha ira mga syudad amo an mga Israelita nga diri mga sondalo, an mga kapadian, mga Levita, ug an mga trabahador han Templo.

³ An mga tawo han mga tribo ni Juda, Benjamin, Efraim, ug Manases inmoli ngadto ha Jerusalem ug didto hira nag-ukoy.

^4-6 May-ada 690 nga mga panimalay han tribo ni Juda nga nag-ukoy didto ha Jerusalem. Hi Otei amo an pangulo han mga tulin ni Perez nga anak ni Juda. Anak ini hi Otei ni Amiud ug apo ni Omrai. An iba niya nga mga ginikanan amo hira Imri ug Boni. Hi Asaya nga puno han iya banay amo an pangulo han mga tulin ni Siloni nga anak ni Juda. Hi Jehuel amo an pangulo han mga tulin ni Sara nga anak ni Juda.

^7-8 Inin masunod nga mga kaapi han tribo ni Benjamin inmukoy didto ha Jerusalem: hi Salo nga anak ni Mesolam nga anak ni Abias nga anak ni Asana hi Jobania nga anak ni Jeroham hi Ela nga anak ni Uzi ngan apo ni Mocori hi Mesolam nga anak ni Safatias nga anak ni Rahuel, nga anak ni Jebanias

⁹ May-ada mga 956 nga mga panimalay han tribo nga nag-ukoy didto. An mga nahiasoy dinhe nga kalalaken-an amo an mga puno han ira mga banay.

An mga Padi nga Nag-ukoy ha Jerusalem

^10-12 Inin masunod nga kapadian nag-ukoy ha Jerusalem: hira Jedaya, Jorayib, ug Jaquin hi Azarias nga anak ni Helkias (an puno han mga opisyal han Templo), kanay mga ginikanan amo hira Mesolam, Sadoc, Merayot, ug Aguitob hi Adaias nga anak ni Jeroham, kanay mga ginikanan amo hira Pasur ug Melquias hi Mahasai nga anak ni Adiel kanay mga ginikanan amo hira Jesra, Mesolam, Mesolamit, ug Emer

¹³ An mga kapadian nga mga puno han tagsa nga banay inmabot hin 1,760 ngatanan. Ngan hiara na ini hira han mga buruhaton ha Templo.

An mga Levita nga Nag-ukoy ha Jerusalem

^14-16 Inin masunod nga mga Levita nag-ukoy ha Jerusalem: hi Semeya nga anak ni Hasub kanay mga ginikanan amo hira Esricam ug Hasebia han banay ni Merari hi Bacbacar, Heres, ug Galal hi Matanias nga anak ni Mica kanay mga ginikanan amo hira Secri ug Asaf hi Obdias nga anak ni Semeya kanay mga ginikanan amo hira Galal ug Geduton hi Baraquias nga anak ni Asa ug apo ni Elcana. Didto hira pag-ukoy han katunaan nga sakop han bungto han Netofa

An mga Magbarantay han Templo Didto ha Jerusalem

¹⁷ Inin masunod nga mga magbarantay han templo nag-ukoy ha Jerusalem: hira Selum, Acub, Telmon, ug Ahinam. Hi Selum an ira pangulo.

¹⁸ Tubtob hini nga panahon, an mga kaapi han ira mga banay amo an nagbantay didto han aragian ha sinirangan han Ganghaan han Hadi. Hadto anay didto hira pagbabantay han mga aragian han mga kampo han mga Levita.

¹⁹ Hi Selum nga anak ni Cora ngan apo ni Ebiasaf upod an iya igkasi kaapi han banay ni Cora amo an may katungod han pagbantay han portahan han Tulda han Ginoo, sugad han ira mga ginikanan han hira pa an nagbabantay han kampo han Ginoo.

²⁰ Hi Pinehas nga anak ni Eleasar amo hadto anay an nagdumara ha ira ug an Ginoo dayuday kaupod niya.

²¹ Hi Zacarias nga anak ni Mosolamia amo liwat an bantay han portahan han Tulda han Ginoo.

²² Ini hira ngatanan nga ginpili hin ka magbarantay han mga portahan ug aragian inmabot hin 212 ka tawo. Ginlista hira sumala han banay ug han mga baryo diin hira nag-ukoy. Hira Hadi David ug Samuel, an manaragna, an nagbutang han ira mga ginikanan ngada hini nga importante nga katungdanan hin pagbantay han Tulda ug han Templo han Ginoo.

²³ Hira ug an ira mga tulin nagpadayon hin pagbantay han mga aragian ngadto han Templo.

²⁴ May-ada mga aragian ha sinirangan, katundan, amihanan, ug timogan nga dapit ug an tagsa hini may-ada pangulo nga magbarantay.

²⁵ Binubuligan ini nga mga magbarantay han ira mga kauropdan nga nag-uokoy didto han mga baryo ngan nagsasarosando hira hin pagbantay hin pito ka adlaw an kada usa ha ira.

²⁶ An upat nga mga pangulo han mga magbarantay mga Levita ngan hira an may katungdanan hin panginano bahin han pagbantay han templo. Hira liwat an nanginginano han mga kwarto han Templo ug han mga garamiton nga ginhipos didto.

²⁷ Aadto hira pag-uokoy harani han Templo tungod kay ira man katungdanan an pagbantay han Templo ngan pag-abre han mga portahan kada aga.

An Iba nga mga Levita

²⁸ An iba nga mga Levita amo an may katungdanan hin panginano nga waray mawara han mga garamiton nga ginagamit para hin pagsingba ha Templo.

²⁹ An iba amo an nanginginano han mga kasangkapan ug han arina, bino, lana hin olibo, insyenso, ug mga pahamot.

³⁰ Kundi an katungdanan han mga pagsakot han mga pahamot kanan mga kapadian ini.

³¹ Hi Matatias, usa nga Levita, an timagurangi nga anak ni Selum han banay ni Cora amo an gintubyanan hin pag-andam han mga hinudno nga halad nga pagkaon.

³² An mga kaapi han banay ni Cohat amo an gintubyanan hin pag-andam han mga baraan nga tinapay para han Templo kada Adlaw nga Iparahuway.

³³ May-ada mga panimalay nga Levita nga gintubyanan hin panginano han mga karantahon ha Templo. An mga pangulo hini nga mga panimalay aada pag-uokoy ha mga balay han Templo ngan waray hira tagi hin iba nga buruhaton kay dayuday andam hira kon tawagon hin pagkanta ha Templo adlaw gab-i.

³⁴ Ini nga mga tawo mga pangulo ini hin mga Levita nga banay ngan didto hira pag-ukoy ha Jerusalem.

An mga Ginikanan ug mga Tulin ni Hadi Saul

³⁵ Hi Jahiel amo an nagtindog han syudad han Gabaon ngan didto hiya pag-ukoy. Hi Maaca an iya asawa.

³⁶ Hi Abdon an iya timagurangi nga anak ngan an iya iba nga mga anak amo hira Sur, Kis, Baal, Ner, Nadab,

³⁷ Gedor, Ahio, Zacarias,

³⁸ ug Macelot nga amay ni Samaan. Didto hira pag-ukoy ha Jerusalem upod han iba nga panimalay han ira banay.

³⁹ Hi Ner amo an amay ni Kis ug hi Kis amo an amay ni Saul. May-ada hi Saul upat nga anak: hira Jonatan, Malquisua, Abinadab, ug Esbaal.

⁴⁰ Hi Jonatan may-ada anak, hi Meribaal nga amay ni Mica.

⁴¹ May-ada upat nga anak hi Mica: hira Fiton, Melec, Taraa, ug Ahas.

⁴² Hi Ahas amo an amay ni Jara nga amay nira Alamat, Asmot, ug Samri nga amay ni Mosa.

⁴³ Hi Mosa amo an amay ni Banas nga amay ni Rafaya nga amay ni Elasa nga amay ni Asel.

⁴⁴ May-ada unom nga anak hi Asel: hira Esricam, Bocru, Ismael, Saria, Odias, ug Hanan.