Saray Salmo 93 - Maung A Balita Biblia

Say Dios Ya Ari

¹ Ari so Katawan. Akawesan na kagalangan tan abalkesan na biskeg. Niletneg a malmalet so mundo kanyan ag balut nagiing.

² Manlapud gapoy gapo malet a niletneg so tronom, O Katawan, tan wala ka la kasakbayan na inkiwalay panaon.

³ Onuungol la ray dalem na dayat, O Katawan; makmaknul la ra tan manungol ira.

⁴ Manaarid tawen so Katawan, matalonggaring ni nen say ungol na dayat tan makapanyari ni nen saray daluyon.

⁵ Magnayon iray ganggan mo, Katawan, tan tuan masanto so Timplom ya anggad angga.