Saray Salmo 87 - Maung A Balita Biblia

Dayew ed Jerusalem

¹ Inletneg na Katawan so siudad to diad tapew na masanton palandey;

² inaro to niy siudad na Jerusalem nen say dinan man a pasen ed Israel.

³ Dengel mo, siudad na Dios, iray makapakelaw a bengatlan ibabaga ton nipaakar ed sika:

⁴ “No ilistak iray bansan ontotoluk ed siak, ipilak so Egipto tan say Babilonia; ipibiang ko a kabyangan na saray totood Jerusalem iray taga Filistia, Tiro, tan Etiopia.”

⁵ Nipaakar ed Sion, nibaga a sakop ton amin iray bansa, tan pabiskegen na Makapanyarin-amin.

⁶ Say Katawan ilista to ray katoowan, tan ibilang to ran amin a mibabaley ed Jerusalem.

⁷ Onsasayaw tan ikakanta ra, “Diad Sion so panlalapwan na amin a bindision tayo.”