Saray Salmo 2 - Maung A Balita Biblia

Say Arin Piniliy Dios

¹ Akin et mamplaplanon onlaban iray bansa? Akin et manggagawa na saray andi-kakanaan a komplut iray katoowan?

² Saray arari ra milalaban ira, saray manoley da mankokomplut ira sumpad Katawan tan say pinili ton ari.

³ “Onokpus ti lad pakaoley da,” kuanda; “ibantak ti la ray lobir ya impamalur dad sikatayo.”

⁴ Makakalek so Katawan a manyodyorung ed trono tod tawen, tan babalawen to ra.

⁵ Insan lapud pasnuk to papasakbayan to ra, tan lapud petang na olo to tataktakoten to ra.

⁶ “Pinayorung kon manoley so arik diad tapew na masanton palandey ko a Sion,” kuanto.

⁷ “Ibawag koy imbagay Katawan,” kuay ari. “Inkuay Katawan ed siak: ‘Sikay anak ko; natad sayan agew nagmaliw ak ya amam.

⁸ Kerew ka, et iter kod sikan amin iray bansa; nakayaryan moy intiron mundo.

⁹ Diad panamegley na bastun a balatyang betagen mo ra; mekmeken mo ran singa banga.’”

¹⁰ Kanyan natan dengel yo yan pasakbay, sikayo ran arari; manalwar kayo, sikayo ran manoley:

¹¹ Sitatakot kayon manlingkur ed Katawan; giwgiw

¹² tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.