Saray Salmo 131 - Maung A Balita Biblia

Mapaabeban Pikakasi

¹ Katawan, intondak lay mampaatagey, tan inkaindan ko lay mampasirayew. Anggapoy pibabalian kod saray ankakabaleg a pamaakaran, o saray bengetlan ag ko natalusan.

² Ingen mareen tan maliket so panagbilay ko. No panoy kareen na ogaw no walad saray taklay na ina to, ontan so kareen na pusok.

³ Israel, manilalo kad Katawan, natan tan anggad angga!