Saray Salmo 123 - Maung A Balita Biblia

Pikekerew na Panangasi

¹ Katawan, ontatangay ak ed sika, ditad tawen a panooleyan mo.

² No panoy paniilalo na aripen ed amo ton laki, o say aripen a bii ed amo ton bii, ontan met so paniilalo mid sika, Katawan a Dios mi, anggad kasian mo kami.

³ Kasian mo kami pa, Katawan, kasian mo kami; ontan lay impakababalaw mi!

⁴ Abayag lay impanlelemlemew ed sikami na saray mamayaman, tan say impanbabalaw na saray maruksan mapaatagey.