Ezekiel 15 - Maung A Balita Biblia

Say Alimbawan Nipaakar ed Wakal na Ubas

¹ Say Katawan akisalitad siak.

² “Sika a toon ompatey,” kuanto, “panon ya ipara so kaabigan ya iter na wakal na ubas ed sakey a kiew? Anto so kaabigan na sangay kiew ya ubas no ipara ed saray kiew ed katakelan?

³ Nikana yo ta ed panggawa yo na antokaman so wakal na ubas? Makala kayod wakal na gawaen a pansabitan na bengatla?

⁴ Anggapoy arum a kana to no ag ta ipool labat. No apoolan la ray nantopag a samput to tan nagmaliw lan oring so pegley to, nikana yo ni kasi ed panggawa na antokaman?

⁵ Anggapoy kana to, anggan nen ag ni apoolan. Natan ta apoolan la tan nagmaliw lan oring, lalon anggapoy kana to.”

⁶ Natan saya so ibabaga na Katawan a Dios: “No panon a say wakal et naalad takel tan napoolan, ontan met so pangalak ed saray totoon manaayam ed Jerusalem,

⁷ insan ko ra dusaen. Apaliisan da lay sakey ya apoy, balet natan poolan ira na kumadwan apoy. No dusaen ko ra, naamtaan mo a siak so Katawan.

⁸ Aliwa ran matoor ed siak, kanyan pagmaliwen ko a kalawakan so bansa ra.” Say Katawan a Dios so nansalita.