1 Saray Awaran 9 - Maung A Balita Biblia

Saray Israelitan Pinmawil ed Jerusalem

¹ Nilistan amin iray totoo ed Israel onung ed saray pamilya ra, tan nisulat ed Libron nipaakar ed saray Ararid Israel. Nibantak ed Babilonia iray totood Juda lapud saray kasalanan da.

² Saray inmonan pinmawil ed saray kayaryan da a walad saray siudad et saray papari, saray Levita, tan saray managlingkur ed Timplo, tan saray karaklan ya Israelita.

³ Linman nanayam ed Jerusalem iray totoon kabyangan na saray tribu di Juda, Benjamin, Efraim, tan Manases.

^4-6 Nanayam ed Jerusalem so anem a lasus tan siamaplon pamilya na tribu nen Juda. Si Utai a lakin anak nen Amihud tan apo nen Omri so pangulo da ray kabyangay boleg nen Fares a lakin anak nen Juda. Di Imri tan Bani et kabyangan met ira na saray lalaki nen Utai. Si Asaya so pangulo da ray kabyangay boleg nen Sela a lakin anak nen Juda. Sikato met so pangulo na pamilya to. Si Jeuel so pangulo da ray kabyangay boleg nen Zera a lakin anak nen Juda.

^7-8 Nanayam ed Jerusalem iray onggendan a lalakin kabyangay tribu nen Benjamin: Sallu ya anak nen Mesullam ya anak nen Hodavias ya anak nen Asenua. Ibnias ya anak nen Jeroham Ela ya anak nen Uzi tan apo nen Micri Mesullam ya anak nen Sefatias ya anak nen Reuel ya anak nen Ibnia.

⁹ Siam a lasus tan limamplo tan anem a pamilyad sayan tribu so manaayam diman. Pangulo na saray pamilya iray lalakin abitla.

Saray Paparin Nanayam ed Jerusalem

^10-12 Nanayam ed Jerusalem iray onggendan a papari: Jedaya, Joiarib, tan Jakin. Azarias (say manonan opisyal ed Timplo) a lakin anak nen Helcias a saray arum a lalaki to di Mesullam, Sadoc, Meraiot, tan Ahitob Adaya a lakin anak nen Jeroham tan saray arum a lalaki to a di Pasur tan Malkias Masai a lakin anak nen Adiel tan saray arum a lalaki to di Jazera, Mesullam, Mesilemit, tan Imer

¹³ Sanlibo tan piton lasus tan anemaplon amin iray paparin pangulo na saray pamilya. Marunong iran amin ed antokaman a kimey a nipaakar ed panaglingkur ed Timplo.

Saray Levitan Nanayam ed Jerusalem

^14-16 Nanayam ed Jerusalem iray onggendan a Levita: Semaya a lakin anak nen Hasub, tan saray arum a lalaki to a di Azricam tan Hasabias a kabyangay boleg nen Merari Bacbakar, Heres, tan Galal Matanias a lakin anak nen Mica tan saray arum a lalaki to a di Zicri tan Asaf Obadias a lakin anak nen Semaya tan saray arum a lalaki to a di Galal tan Jedutun Berekias a lakin anak nen Asa tan apo nen Elcana tan nanayam ed dalin a sakop na baley na Netofa

Saray Guardiad Timplo a Nanayam ed Jerusalem

¹⁷ Nanayam ed Jerusalem ira yay onggendan a guardiad Timplo: Sallum, Acub, Talmon, tan Ahiman. Si Sallum so pangulo ra.

¹⁸ Manlapud saman a panaon saray kabyangay boleg da nipasen ira ed bokig na lolooban a tatawagey Puirtay Ari. Nen saman guardia ra ed saray puirta da ray kampo na saray Levita.

¹⁹ Si Sallum a lakin anak nen Core tan apo nen Ebiasaf, pati saray kapara ton kabyangay boleg nen Core, so makaoley a mangguardia ed lolooban na Tuldan Ayamay Katawan; onya met so ginagawa na saray lalaki ra nen sikaray makaoley ed kampo na Katawan.

²⁰ Walay panaon a say pangulo ra et si Finees a lakin anak nen Eleazar—wala komun ed sikato so Katawan!

²¹ Si Zacarias a lakin anak nen Meselemias so guardia met ed lolooban na Tuldan Ayamay Katawan.

²² Duanlasus tan labinduan lalaki so apilin guardia ed saray lolooban tan diad saray puirta. Nilista ra onung ed saray barion nanaayaman da. Di Ari David tan propita Samuel iray angipasen ed saray lalaki ra ed sayan kimey lapud napanmatalkan ira.

²³ Sikara tan saray kabyangay boleg da intuloy day nangguardia ed saray puirta na Timplo.

²⁴ Kapag dapag na Timplo, diad baybay, abalaten, sagur, tan diad bokig walay puirta tan walay pangulon guardia.

²⁵ Sarayan guardia tinutulongan na saray kakanayon da a manaayam ed saray bario tan nansosoblayan ira a nambantay kapag pitoy agew.

²⁶ Levita ra may apatiran pangulon guardia tan ag iran balut nasublayan. Makaoley met ira ed saray kuartod dalem na Timplo tan saray kayamanan a karga ra.

²⁷ Nanaayam irad abay na Timplo, ta kanepegan dan bantayan so Timplo tan lokasan iray puirta to kapag kabwasan.

Saray Arum a Levita

²⁸ Makaoley ed saray kagawaan ya ikakana ed panangigalang iray arum a Levita. Nepeg dan bilangen iray kagawaan no ipaway ira tan no isinup ira.

²⁹ Saray arum makaoley irad saray masanton kagawaan tan saray arina, alak, larak na oliba, insinso, tan rikado.

³⁰ Saray papari so makaoley ed panaglaok ed saray rikado.

³¹ Sakey a Levita a manngaray Matatias, a sankapangulowanan a lakin anak nen Sallum tan kabyangan na boleg nen Core so makaoley ed panaggaway maimpis a tinapay a para bagat.

³² Saray kabyangay boleg nen Core so makaoley ed panagparaan ed saray masanton tinapay a para Timplo kapag Agew na Panagpainawa.

³³ Saray pigaran Levitan pamilya so makaoley ed panagtogtog tan panagkanta ed Timplo. Nanaayam ed pigaran kuarto ed dalem na Timplo iray pangulo na sarayan pamilya tan anggapo lay arum a kimey da, lapud nayarin natawag iran mankanta o manogtog, agew may labi.

³⁴ Pangulo na saray Levitan pamilya iray lalakin abitla, onung ed saray boleg a nanlapwan da. Sikaray pangulon nanaayam ed Jerusalem.

Saray Lalaki tan saray Kabyangay Boleg nen Ari Saul

³⁵ Inletneg nen Jeiel so siudad na Gabaon insan nanayam diman. Maaca so ngaran na asawa to.

³⁶ Abdon so ngaran na pangulowan ya anak to tan saray arum a lalakin anak to et di Zur, Cis, Baal, Ner, Nadab,

³⁷ Gedor, Ahio, Zacarias, tan Miclot

³⁸ ya ama nen Simea. Nanayam ed Jerusalem iray kabyangay boleg da diad kaabay na saray arum a pamilya na boleg da.

³⁹ Si Ner so ama nen Cis, tan si Cis so ama nen Saul. Apatiray lalakin anak nen Saul; di Jonatan, Melkisua, Abinadab, tan Esbaal.

⁴⁰ Si Jonatan so ama nen Meribbaal ya ama nen Mica.

⁴¹ Apatiray lalakin anak nen Mica; di Piton, Melec, Tarea, tan Acaz.

⁴² Si Acaz so ama nen Jara ya ama na taloran lalaki a sikara di Alemet, Azmavet, tan Zimri. Si Simri so ama nen Moza.

⁴³ Si Moza so ama nen Binea ya anak toy Refaya. Si Refaya so ama nen Elasa ya anak toy Azel.

⁴⁴ Anemiray lalakin anak nen Azel: di Azricam, Bocru, Ismael, Searias, Obadias, tan Hanan.