Salmo 93 - Manobo Western Bukidnon OT

Hadì Tew is Megbevayà

¹ Hadì ka, Nengazen; is bisti nu iyan is kegkemekeǥeǥehem nu wey is utew nu kegkelavew. Utew melig-en is kebenguna nu te kelibutan ne kenà heini egkehuyung.

² Is kedhadì nu puun pa te puunà, su zaan ke en hein wazè pa is kelibutan.

³ Utew mezaǥing is daǥat, Nengazen, ne edreǥuuk is menge vaǥel.

⁴ Piru sikew is Nengazen he ziyà te langit, lavew ke pa he mekeǥeǥehem te kezaǥing te zaǥat; lavew ke pa he mekeǥeǥehem te menge vaǥel kayi.

⁵ Nengazen, egkeseriǥan utew is menge suǥù nu, wey is kegkesegradu te baley nu te wazà pidtemanan.