Salmo 82 - Manobo Western Bukidnon OT

Kinelevawan he Pengulu is Megbevayà

¹ Midumala te Megbevayà is ketiǥuman te menge gemhanan, ne edhukuman din sikandan.

² Ke sikandin te, “Sengemenu keluǥayad is kedtulung niw kedhimu te hukum he kenà metazeng? Sengemenu keluǥayad is kedtulungi niw kedepiǥi te menge lalung?

³ Iveǥey niw is hustu he kukuman diyà te menge utew egkengeey-eyuwi wey menge ilu. Levani niw is ketenged te menge egkaayuayu he edèdaaǥen.

⁴ Luwasa is menge utew egkengeey-eyuwi wey is menge pubri ziyà te ǥehem te menge mezaat he etew!

⁵ Utew kew menge paglung! Utew kew menge taleng! Diyè kew te kerusireman, umbe negurigew en heini is kelibutan.

⁶ Siak, is Utew Lavew he Megbevayà, egkeǥiyan ku sikiyu te menge megbevayè kew, ne pudu ku sikiyu menge anak.

⁷ Ebpatey kew iring te etew. Egketapus is untung niw iring te minsan hentei he pengulu.”

⁸ Sigi en, Megbevayà, hukumi nu en is menge etew ziyà te langun he menge nasyun kayi te kelibutan, su ǥaked nu sikandan.