Salmo 67 - Manobo Western Bukidnon OT

Kanta te Kebpeselamat

¹ He Megbevayà, kehizuwi key wey tuvazi key. Ipeehè nu kenami is keupiya nu,

² su para metueni ziyà te langun he menge nasyun te tivuuk he kelibutan is paaǥi nu wey is kedluwas nu.

³ He Megbevayà, berakat he edeliǥen ka te tivuuk he menusiyà.

⁴ Berakat he meǥalew he egkanta te kegkelipey is langun he menge etew kayi te tivuuk he kelibutan, tenged te ketazeng te kedhukum nu kandan wey kegiyahi nu kandan.

⁵ Berakat he edeliǥen ka te langun he menge etew, Megbevayè ku.

^6-7 Berakat he mebeǥey te sebpet is tanà. Berakat he edtuvazan kiw te Megbevayè tew. Berakat he edtahud kandin is langun he menge etew ziyà te minsan hendei kayi te kelibutan.