Salmo 23 - Manobo Western Bukidnon OT

Is Nengazen Iring te Ed-elima te menge Kerehidu

¹ Nengazen, iyan ka ed-elima kedì, umbe egkekuwa ku is langun he egkinehenglanen ku.

² Iring a te kerehidu he ibpehimeley nu ziyà te penebtavà he zutun is gerabi he memeilem he sagbet. Ne ibpeikul a kenikew ziyà te meleneng he wahig.

³ Edlig-enan a kenikew. Ibpeikul a kenikew te hustu he zalan te ketazeng su wey ka meveǥayi te zengeg.

⁴ Minsan pa ke edhipanew a ziyà te suǥud he zuen duen ebpekepatey, ne kenà a egkahandek su zuma ku man sikew. Ebpekeveǥey kedì te kelig-en wey kelipey is kegiyahi nu wey kebpengelangi nu kedì.

⁵ Ed-endaman a kenikew te keenen diyà te etuvangan te menge kuntada ku. Impurung a kenikew itetepian su midlenahan nu is ulu ku. Ne ebpepezaharan a kenikew te inumen.

⁶ Nesiguru ku he ke sengemenu keluǥayad is untung ku ne iyan daan keluǥayad te kebpurungi nu wey kebmahala nu kedì. Ne ziyà a ed-ubpa te valey nu, Nengazen, te wazà pidtemanan.