Salmo 150 - Manobo Western Bukidnon OT

Deliǥa is Nengazen

¹ Deliǥa niw is Nengazen! Deliǥa niw is Megbevayà diyà te valey zin. Deliǥa niw sikandin he ziyà te langit, is melig-en he ubpeey zin.

² Deliǥa niw sikandin tenged te nezumahan te ǥehem he menge vaal zin. Deliǥa niw sikandin tenged te wazà ebpekerepeng te kegkemekeǥeǥehem din.

³ Deliǥa niw sikandin pinaaǥi te kebpezaǥing te menge vudyung. Deliǥa niw sikandin pinaaǥi te zaǥing te menge alpa wey menge lira.

⁴ Deliǥa niw sikandin pinaaǥi te menge tamburin wey kedsayew. Deliǥa niw sikandin pinaaǥi te zuma pa he instrumintu he zuen menge kuwirdas wey menge pulalà.

⁵ Deliǥa niw sikandin pinaaǥi te mezaǥing he menge simbal.

⁶ Is langun he uuyag medalig te Nengazen. Deliǥa is Nengazen!