Salmo 134 - Manobo Western Bukidnon OT

Kebpengumew para te Kedalig te Nengazen

¹ Hendini kew, deliǥa niw is Nengazen, langun te sikiyu is menge suluǥuen te Nengazen he edterebahu ziyà te valey zin emun mezukilem.

² Ivayew niw is menge velad niw zutun te ked-ampù niw ziyà te seled te valey zin, ne zeliǥa niw is Nengazen.

³ Berakat he tuvazi kew te Nengazen he ziyà te Zion, he iyan mibaal te langit wey kelibutan.