Salmo 131 - Manobo Western Bukidnon OT

Ampù he Nezumahan te Kedsarig

¹ He Nengazen, kenà a gelbuwen wey mepelevawen. Wazà a mebpenganduy te zekelà wey mekeayam-ayam he menge vutang he kenè ku egkevaug.

² Kekenà, kuntintu ad wey mibmelinawen ad iring te vatà he midlutas te iney zin he kenè en egkesuat he edsusu.

³ Menge tig-Israel, sarig kew te Nengazen guntaan wey taman te taman.