Salmo 100 - Manobo Western Bukidnon OT

Kanta te Kedalig te Nengazen

¹ Sikiyu is menge etew kayi te tivuuk he kelibutan, ugyab kew te kegkelipey tenged te Nengazen.

² Silbiyi niw is Nengazen duma is kelipey. Uvey kew ziyà te kandin he egkanta te kegkelipey.

³ Kilelaa niw he Megbevayà is Nengazen! Iyan sikandin midlimbag kenitew, ne ǥaked kiw zin. Menge etew kiw zin ne iring kiw te menge kerehidu he mid-elimahan din.

⁴ Seled kew ziyà te valey zin duma is kedalig wey kebpeselamat. Deliǥa niw wey peselemati niw sikandin.

⁵ Su meupiya is Nengazen; wazà pidtemanan te ǥaǥew zin, ne ebpedayun is kebmetinumanen din te taman te taman.