Job 25 - Manobo Western Bukidnon OT

Migkaǥi si Bildad

¹ Ne midtavak si Bildad is tig-Shua te,

² “Gemhanan wey telehuzen is Megbevayà. Edhimuwen din he melinew is langit he ginhedian din.

³ Egkevilang be is menge sundaru zin? Duen be lugar he wazà meteyawi te kerayag din?

⁴ Ebmenmenuwen te egkaǥi te etew he metazeng sikandin diyà te etuvangan te Megbevayà? Duen be etew he lumpiyu?

⁵ Emun minsan is bulan wey menge vituen kenà merayag is ked-ahaa zin duen,

⁶ iyan pe be is etew he utew minus is bali zin su iring dà te tetaru.”