Salmo 23 - Marahay na Bareta Biblia

An Kagurangnan an Sakong Pastor

¹ An Kagurangnan iyo an sakong pastor; daing ano man na magkukulang sako.

² Pinapahingalo niya ako sa mga berdeng sabsaban, asin dinadara niya ako sa mga tubig na malinaw.

³ Giraray pinapakosog niya an sakong kalag. Pinapangenotan niya ako sa mga dalan nin katanosan, huli sa saiyang ngaran.

⁴ Maski ako maglakaw sa dalan nin kadikloman, dai ako matatakot, Kagurangnan, huli ta ika sakong kaibahan. An saimong badas asin sugkod iyo sako nag-aataman.

⁵ Nag-aandam ka nin sarong bangkete para sako sa atubang nin sakong mga kaiwal; an sakong payo linalahidan mo nin lana, an sakong kalis nagsusupay.

⁶ Totoong an karahayan saka an pagkaherak magdadanay sako sa gabos na aldaw nin sakong buhay; mag-eerok ako sa harong nin Kagurangnan sagkod na ako may buhay.