Salmo 149 - Marahay na Bareta Biblia

Awit nin Pag-omaw

¹ Omawon an Kagurangnan! Mag-awit nin bagong awit sa Kagurangnan; omawon siya sa katiriponan nin mga maimbod!

² Mag-ogma ka, O Israel, huli kan saimong Kaglalang; mag-ogma kamo, mga aki nin Sion, huli kan saindong hade!

³ Magsayaw sa kaomawan nin saiyang ngaran; mag-awit saiya sa tanog kan tamborin asin lira.

⁴ Ikinakaogma nin Kagurangnan an saiyang banwaan; an mapakumbaba tinatawan niya nin kapangganahan.

⁵ Ipag-ogma kan banwaan nin Dios an saindang kapangganahan; magdamlag na mag-awit sinda sa kaogmahan.

⁶ Sa saindang ngoso an mga kurahaw nin kaogmahan sa Dios, asin mga espada na doble an tarom sa saindang mga kamot,

⁷ tanganing daogon an mga nasyon asin padusahan an mga banwaan;

⁸ tanganing kadenahan an saindang mga hade; asin kadenahan nin lansang an saindang mga lider;

⁹ tanganing hukoman an mga nasyon, sosog sa pagboot nin Dios. Ini an kamurawayan para sa gabos na maimbod sa Dios. Omawon an Kagurangnan!