Salmo 146 - Marahay na Bareta Biblia

Pag-omaw sa Dios na Paraligtas

¹ Omawon an Kagurangnan! Kalag ko, omawon mo an Kagurangnan!

² Oomawon ko siya mantang ako buhay; aawitan ko an sakong Dios sa bilog kong buhay.

³ Dai ka magsarig sa mga prinsipe, ni sa sarong tawo na dai makakatabang.

⁴ Kun sinda magadan, mabalik sinda sa alpog; sa aldaw na iyan, an gabos nindang plano matatapos.

⁵ Maogma an tawo na an tabang iyo an Dios ni Jacob, na an paglaom yaon sa Kagurangnan na saiyang Dios.

⁶ Sa Dios na Kaglalang kan langit asin daga, kan dagat asin kan gabos na yaon sa mga ini. Danay niyang inootob an saiyang mga panuga;

⁷ minapahiling siya nin hustisya sa inaapi; minatao nin kakanon sa nagugutom. Pinapatalingkas nin Kagurangnan an mga bilanggo;

⁸ asin tinatawan nin pakahiling an mga buta. Binabangon niya an mga napadungkal; namomotan niya an mga matanos.

⁹ An mga dayuhan sinusurog nin Kagurangnan, an mga ilo asin balo saiyang tinatabangan, alagad rinaraot niya an mga plano kan mga tampalasan.

¹⁰ An Kagurangnan hade sagkod pa man. An saimong Dios, O Sion, maghahade sa panahon na daing kasagkoran. Omawon an Kagurangnan!