Salmo 142 - Marahay na Bareta Biblia

Pamibi Tanganing Tabangan

¹ Minaagrangay ako sa Kagurangnan, nakikimaherak ako saiya tanganing tabangan.

² Dinadara ko saiya an gabos kong hinanakit; ipinapahayag ko saiya an gabos kong sakit.

³ Kun maluya na an sakong espiritu, aram niya an gigibohon ko. Sa dalan na sakong pinaglalakawan, igwang itinagong litag para sako an sakong mga kaiwal.

⁴ Nagkiling ako sa too ko, alagad mayo nin matabang sako. Mayo nin masurog sako, mayo nin nagmamakulog sako.

⁵ Minaagrangay ako saimo, Kagurangnan; ika, Kagurangnan, an sakong pailihan, sakong kahirasan sa daga nin mga buhay.

⁶ Dangoga an sakong inagrangay, huli ta ako nasa kairaroman nin kasakitan. Ligtasan ako sa mga nagpapasakit sako, huli ta orog na makosog sinda sako.

⁷ Haleon mo ako sa bilanggoan, nganing magpasalamat ako sa saimong ngaran! Papalibotan ako kan mga matanos, huli ta karahayan an ipapahiling mo sako.