Salmo 133 - Marahay na Bareta Biblia

Pag-omaw sa Pagkamoot nin Magturugang

¹ Hilinga, marahay nanggad asin maogma kun an magturugang nag-eerok na nagkakasararo!

² Kabaing iyan sa mahalagang lana na panlahid, na nagbubulos hale sa payo asin barabas ni Aaron, pasiring sa kwelyo kan saiyang gubing.

³ Kabaing iyan sa ambon sa ibabaw kan bukid nin Hermon, na minahugpa sa kabukidan nin Sion. Duman nanuga an Kagurangnan kan saiyang bendisyon— buhay na daing kataposan.