Salmo 131 - Marahay na Bareta Biblia

Pamibi nin Mapakumbabang Pagsarig

¹ Kagurangnan, pinabayaan ko an sakong kapalangkawan asin tinalikodan ko na an kapaabaw-abawan. Dai na ako nakikiaram sa darakulang mga bagay asin sa mga makangangalas para sako.

² Nag-alo na ako asin nagtoninong. Siring sa sarong aki na matoninong sa daghan nin saiyang ina, matoninong man an sakong puso.

³ O Israel, magsarig ka sa Kagurangnan, ngunyan asin sagkod pa man!